ព្យុះ Kajiki គំរាមកំហែងទីក្រុងប៉ាតាយ៉ា ខណៈខេត្តផ្សេងទៀតរបស់ថៃរងគ្រោះធ្ងន់ធ្ងរ

យោងតាមការចេញផ្សាយរបស់សារព័ត៌មាន Pattaya Mail នៅថ្ងៃទី២៧ខែសីហានេះ ព្យុះ Kajiki គំរាមកំហែងទីក្រុងប៉ាតាយ៉ា ជាមួយនឹងខ្យល់បក់ខ្លាំង និងភ្លៀងធ្លាក់ខ្លាំង ខណៈខេត្តភាគខាងជើង និងភាគឦសានប្រទេសថៃកំពុងរងគ្រោះធ្ងន់ធ្ងរដោយសារបំណាក់ដីនិងទឹកជំនន់។

ព្យុះ Kajiki ត្រូវបានគេព្យាករណ៍ថានឹងនាំមកនូវតែខ្យល់បក់បោក និងភ្លៀងធ្លាក់ខ្លាំងក្នុងទីក្រុងប៉ាតាយ៉ា ជាមួយនឹងសីតុណ្ហភាពចន្លោះពី ២៦ ដល់ ៣៣ អង្សាសេ។ ផ្ទុយទៅវិញ ខេត្តភាគខាងជើង និងភាគឦសាន រួមជាមួយនឹងផ្នែកខ្លះនៃឆ្នេរសមុទ្រភាគខាងលិចរបស់ប្រទេសថៃ កំពុងប្រឈមនឹងភ្លៀងធ្លាក់ខ្លាំង ខ្យល់បក់ខ្លាំង និងទឹកជំនន់ដោយខេត្តបានរងគ្រោះរហូតដល់ខូចខាតផ្ទះសម្បែង បាក់ស្ពាន លិចផ្លូវ និងបណ្ដាលឲ្យស្លាប់និងរងរបួសប្រជាពលរដ្ឋ។

នាយកដ្ឋានឧតុនិយមថៃបានចេញសេចក្តីជូនដំណឹងដល់ប្រជាពលរដ្ឋក្នុងខេត្តឈៀងរ៉ៃ, Nan, Nong Khai, Nakhon Phanom, Ranong និងខេត្តផ្សេងទៀតឲ្យមានការប្រុងប្រយ័ត្នខ្ពស់។ ទាហានជើងទឹកនៅសមុទ្រ Andaman ខាងលើ និងឈូងសមុទ្រភាគខាងជើងនៃប្រទេសថៃ ក៏ត្រូវបានជំរុញឱ្យជៀសវាងការចេញទៅក្រៅ ដោយសាររលកអាចឡើងដល់ ៣ ម៉ែត្រឯណោះ។ ចំណែកទីក្រុងបាងកក និងតំបន់នៅជិតៗអាចរំពឹងថានឹងមានព្យុះផ្គររន្ទះបន្តអូសបន្លាយជាច្រើនថ្ងៃទៀត៕

អត្ថបទ៖ ប៊ុន សុភាព