Connect with us

ព័ត៌មានជាតិ

សហព័ន្ធ​កីឡា​វូស៊ូ​កម្ពុជា​ បញ្ជូន​ប្រតិភូ​ គ្រូ​បង្វឹក​ កីឡាករ​សរុប​ ៤រូប​ទៅ​ប្រជែង​មេដាយ​នៅ​ប្រទេស​ចិន​

បានផុស

នៅ

កាល​ពី​ថ្ងៃ​ទី២៤​ ខែ​មិថុនា​ ឆ្នាំ​២០២៦​ នេះ​ក្រុម​ប្រតិភូ​ គ្រូ​បង្វឹក​ កីឡាករ​​ចំនួន​ ៤រូប​បាន​ចេញ​ដំណើរ​ទៅ​ប្រទេស​ចិន​ហើយ​ដើម្បី​ចូលរួម​ប្រជែង​មេដាយ​ក្នុង​ព្រឹត្តិការណ៍​ SCO Member States Wushu Sanda Tournament and Training Championship ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​វូស៊ូកម្ពុជា

នេះ​បើ​តាម​ការ​បញ្ជាក់​ពី​លោក​ ម៉ៅ ចន្ថាវុធ អគ្គលេខាធិការសហព័ន្ធកីឡាវូស៊ូកម្ពុជា​ ថា​ដោយ​បាន​គោលការណ៍​អនុញ្ញាត​ពី​ក្រសួង​អប់រំ​ យុវជន​ និង​កីឡា​ សហព័ន្ធ​បាន​បញ្ជូន​ប្រតិភូ​ គ្រូ​បង្វឹក​ រួម​ទាំង​កីឡាករ​ទៅ​ចូលរួម​ការ​ប្រកួត​ SCO Member States Wushu Sanda Tournament and Training Championship។​

ការ​ប្រកួត​កន្លងទៅ

អគ្គលេខាធិការ​ធិការ​ខាង​លើ​បន្ថែម​ទៀត​ថា​ ការ​ចូលរួម​នេះ​មិន​ត្រឹម​តែ​ជា​ការ​ប្រកួត​ប្រជែង​ស្វែង​រក​មេដាយ​​ជូន​កម្ពុជា​នោះ​ទេ​ ពោល​ក៏​ជា​ឱកាស​ដល់​ក្រុម​កម្ពុជា​បាន​ដក​ស្រង់​បទ​ពិសោធ​ និង​អភិវឌ្ឍន៍​សមត្ថភាព​ថែម​ទៀត​ផង​ដែរ​ដើម្បី​ជា​ការ​ត្រៀម​សម្រាប់​ស៊ីហ្គេម​ លើក​ទី៣៤​ ឆ្នាំ​២០២៧​ ឯ​ប្រទេស​ម៉ាឡេស៊ី។​

ការ​ប្រកួត​កន្លងទៅ

បញ្ជា់​ដែរ​ថា​ ការ​ប្រកួត​កីឡា​វូស៊ូ​ នៅ​ឯ​ប្រទេស​ចិន​នេះ​ធ្វើ​ឡើង​ចាប់​ពី​ថ្ងៃ​ទី២៤​ ដល់​ ២៩​ ខែ​មិថុនា​ ឆ្នាំ​២០២៦​ នៅ​ទីក្រុងអាន់លូ ខេត្តហ៊ូប៉ី។​ ក្រុម​កម្ពុជា​ទាំង​ ៤រូប​ចូលរួម​នោះ​មាន​ លោក ម៉ៅ ចន្ថាវុធ ប្រធានប្រតិភូ លោក ម៉ៅ មុយចន្ថាឫទ្ធិ គ្រូបង្វឹក កីឡាករ មុំ សាមិត្តប្រាំពីរកែវ ប្រកួតលើប្រភេទទម្ងន់ ៥៦ គីឡូក្រាម និងកីឡាករ ស៊ីម វាសនា ប្រកួតលើប្រភេទទម្ងន់ ៦០ គីឡូក្រាម៕

កម្មវិធីប្រកួតនៅចិន

អត្ថបទដោយ៖​ នួន ស៊ីណា​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម