កូវីដ-១៩
CEO ក្រុមហ៊ុន BioNTech ថា កូវីដនឹងបន្តរាលដាលពាសពេញពិភពលោកដល់ឆ្នាំ ២០២២ បើប្រទេសមួយចំនួននៅតែខ្វះខាតវ៉ាក់សាំង
ក្រុមហ៊ុនជីវបច្ចេកវិទ្យាអាល្លឺម៉ង់ BioNTech ដែលរួមគ្នាបង្កើត វ៉ាក់សាំងការពារជំងឺកូវីដ ១៩ ជាមួយក្រុមហ៊ុនឱសថអាមេរិក Pfizer បានសន្មតថា ជំងឺរាតត្បាតជាសកលកូវីដ ១៩ អាចមានរហូតដល់ឆ្នាំ ២០២២ ដោយសារតែ ប្រទេសខ្លះប្រឈមនឹងកង្វះខាត ការផ្គត់ផ្គង់វ៉ាក់សាំង ។ នេះបើយោងតាមការចុះផ្សាយរបស់កាសែត The Wall Street Journal កាលពីថ្ងៃអង្គារ ។

យោងតាមនាយកប្រតិបត្តិក្រុមហ៊ុន BioNTech លោក Ugur Sahin បានថ្លែងប្រាប់កាសែត The Wall Street Journal ថា ជំងឺដ៏សាហាវនេះ នឹងបន្តកើតមាន ប្រសិនបើបណ្តាប្រទេស ដូចជា ឥណ្ឌា នៅតែបន្តកើនឡើង នូវករណីឆ្លងប្រចាំថ្ងៃ មិនធ្លាប់មានពីមុនមកបែបនេះ ហើយមិនខិតខំប្រឹងប្រែង ក្នុងការចាក់វ៉ាក់សាំង ។
លោកបាននិយាយថា “យើងត្រូវធានា អត្រាចាក់វ៉ាក់សាំងខ្ពស់នៅទូទាំងពិភពលោក ។ បើមិនដូច្នោះទេ គ្មាននរណាម្នាក់នឹងមានសុវត្ថិភាពឡើយ ។ នៅពាក់កណ្តាលឆ្នាំ ២០២២ តំបន់ដែលមានដង់ស៊ីតេប្រជាជនខ្ពស់ ដូចជា ឥណ្ឌា នឹងទទួលបានអត្រាខ្ពស់ នៃការចាក់ថ្នាំបង្ការ និងមានភាពស៊ាំគ្រប់គ្រាន់” ។

លោក Sahin បន្តថា “យើងនឹងឃើញ នៅក្នុងរយៈពេល ១២ ខែទៀត ចំនួននៃការកើនឡើង នូវករណីឆ្លងក្នុងប្រទេសឧស្សាហកម្ម ប្រទេសកំពុងអភិវឌ្ឍន៍ និងប្រទេសដែលមានប្រាក់ចំណូលទាប នឹងធ្លាក់ចុះ បន្ទាប់ពី ពួកគេមានប្រព័ន្ធភាពស៊ាំគ្រប់គ្រាន់ ក្រោយមានការបង្កើន សមត្ថភាពផលិតវ៉ាក់សាំងដែលមានស្រាប់ និងបន្ថែមទីតាំងផលិតកម្មថ្មីៗ” ។
ក្រុមហ៊ុន BioNTech ដែលសហការជាមួយក្រុមហ៊ុន Pfizer បានសន្យាពង្រីក សម្ព័ន្ធភាពផលិតកម្មរបស់ខ្លួនចំនួន ៣០ ក្រុមហ៊ុន ក្នុងការផលិតវ៉ាក់សាំងបន្ថែមទៀត ដើម្បីផ្គត់ផ្គង់ដល់បណ្តាប្រទេសមួយចំនួន ដូចជា ប្រទេសឥណ្ឌា ជាដើម ។

ថ្មីៗនេះ ប្រទេសឥណ្ឌា បានប្រឈមមុខនឹងរលកនៃការឆ្លងថ្មី និងធ្ងន់ធ្ងរជាងមុន ដែលបច្ចុប្បន្នមានចំនួនអ្នកឆ្លងសរុបជិត ២២.៣ លានករណី ចាប់តាំងពីការចាប់ផ្តើម នៃរោគរាតត្បាត ខណៈមានករណីឆ្លងជាង ៣០០,០០០ ករណីជារៀងរាល់ថ្ងៃ ។
បច្ចុប្បន្ន ប្រទេសនេះប្រឈមនឹងកង្វះវ៉ាក់សាំង ខណៈដែលរដ្ឋាភិបាល បានប្រកាសពីដំណាក់កាលទី ៣ នៃការចាក់ថ្នាំបង្ការរោគទ្រង់ទ្រាយធំ លើប្រជាជនឥណ្ឌាជិត ១៥៩ លាននាក់ នៅក្នុងចំនួនប្រជាជនសរុបយ៉ាងហោចណាស់ ១.៣ ពាន់លាននាក់ ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ វ៉ាក់សាំង Pfizer-BioNTech បង្ហាញប្រសិទ្ធភាពការពារកូវីដរយៈពេល ៦ ខែ ក្រោយចាក់ពេញ ២ ដូស
ចុចអាន ៖ វ៉ាក់សាំង BioNTech-Pfizer មានប្រសិទ្ធភាព ១០០ ភាគរយ ចំពោះក្មេងអាយុពី ១២ ដល់ ១៥ ឆ្នាំ

-
ព័ត៌មានជាតិ៣ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ១ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៣ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់