កូវីដ-១៩
ក្រុមហ៊ុន Pfizer-BioNTech ផ្ដល់វ៉ាក់សាំងចាក់ដល់អត្តពលិកព្រឹត្តិការណ៍កីឡាអូឡាំពិក ដើម្បីធានាការប្រកួតប្រកបដោយសុវត្ថិភាព
គណៈកម្មាធិអូឡាំពិកអន្តរជាតិ (IOC) បានប្រកាសកាលពីថ្ងៃព្រហស្បតិ៍ថា ក្រុមហ៊ុនឱសថ Pfizer-BioNTech បានយល់ព្រមបរិច្ចាគ វ៉ាក់សាំងការពារជំងឺកូវីដ ១៩ ដល់អត្តពលិក និងបុគ្គលិក នៃព្រឹត្តិការណ៍កីឡាអូឡាំពិក រដូវក្ដៅទីក្រុងតូក្យូ ឆ្នាំ ២០២០ ដែលនឹងត្រូវប្រារព្ធធ្វើឡើងនៅឆ្នាំនេះ បន្ទាប់ពីត្រូវបានពន្យារពេល ដោយសារការឆ្លងរាលដាល នៃជំងឺកូវីដ ១៩ ។
IOC បាននិយាយនៅលើគេហទំព័ររបស់ខ្លួនថា “ជាផ្នែកមួយនៃផែនការ ដើម្បីធានានូវការប្រកួតកីឡាអូឡាំពិក និងប៉ារ៉ាឡាំពិក ទីក្រុងតូក្យូ ២០២០ ប្រកបដោយសុវត្ថិភាព IOC បានប្រកាសចុះហត្ថលេខា លើអនុស្សារណៈនៃការយោគយល់គ្នា (MoU) ជាមួយក្រុមហ៊ុន Pfizer-BioNTech ដើម្បីបរិច្ចាគ វ៉ាក់សាំងការពារជំងឺកូវីដ ១៩ របស់ខ្លួនក្រុមហ៊ុន សម្រាប់អ្នកចូលរួមប្រកួតមកពី គណៈកម្មាធិការជាតិអូឡាំពិក និងប៉ារ៉ាឡាំពិក នៅជុំវិញពិភពលោក” ។
IOC បានបន្ថែមថា “គណៈកម្មាធិការជាតិអូឡាំពិក (NOCs) នឹងធ្វើការ ជាមួយរដ្ឋាភិបាលក្នុងតំបន់ ដើម្បីសម្របសម្រួល ការចែកចាយតាមមូលដ្ឋាន ស្របតាមគោលការណ៍ណែនាំ នៃការចាក់វ៉ាក់សាំង របស់ប្រទេសនីមួយៗ និងស្របតាមបទប្បញ្ញត្តិក្នុងតំបន់” ។
IOC បានកត់សម្គាល់ថា អ្នកចូលរួមប្រកួតជាច្រើន នឹងត្រូវបានចាក់វ៉ាក់សាំង មុនពេលទៅដល់ប្រទេសជប៉ុន ដោយផ្អែកលើការឆ្លើយតបពី NOCs និងគណៈកម្មាធិការជាតិប៉ារ៉ាឡាំពិកជាតិ (NPCs) ។
គួរបញ្ជាក់ថា ការប្រកួតព្រឹត្តិការណ៍មួយនេះ គ្រោងនឹងធ្វើឡើងចាប់ពីថ្ងៃទី ២៣ ខែកក្កដា ដល់ថ្ងៃទី ៨ ខែសីហា ប៉ុន្តែមិនមានអ្នកទស្សនាបរទេសនោះទេ ដោយសារតែវិធានការសុវត្ថិភាព នៃជំងឺកូវីដ ១៩ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ កាណាដាជាប្រទេសដំបូងអនុញ្ញាតវ៉ាក់សាំង Pfizer សម្រាប់កុមារអាយុ ១២ ទៅ ១៥ ឆ្នាំ
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២១ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ២២ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា