កូវីដ-១៩
អាជ្ញាធរស្រុកអង្គស្នួល ប្រកាសឲ្យកម្មកររោងចក្រ២៩នាក់ ដែលឆ្លងកូវីដ១៩ ចូលខ្លួនមកព្យាបាលជាបន្ទាន់
រដ្ឋបាលស្រុកអង្គស្នួលនៃខេត្តកណ្តាល បានប្រកាសឲ្យកម្មករកម្មការិនីចំនួន២៩នាក់ ដែលមានផ្ទុកជំងឺកូវីដ១៩ ចូលខ្លួនមកព្យាបាលជំងឺជាបន្ទាន់ ខណៈក្រុមគ្រូពេទ្យបានព្យាយាមទាក់ទងទៅហើយតែមិនអាចទំនាក់ទំនាក់បាន។
លោក ខុន សេរីរដ្ឋា អភិបាលស្រុកអង្គស្នួល បានឲ្យដឹងនៅក្នុងសេចក្ដីដំណឹងថា កម្មករ-កម្មការិនីមានវិជ្ជមានជំងឺកូវីដ១៩ទាំង២៩នាក់នេះ ធ្វើការនៅរោងចក្ររីជែន និងរោងចក្រ តៃណាន ស្ថិតក្នុងឃុំបែកចាន និងរោងចក្រ ម៉ាស្ទ័រ&ហ្វ្រែង ស្ថិតក្នុងឃុំពើក ត្រូវបានក្រុមគ្រូពេទ្យរកឃើញថា មានវិជ្ជមានកូវីដ១៩ ចាប់ពីថ្ងៃទី២ ដល់ថ្ងៃទី១០ ខែឧសភាឆ្នាំ២០២១។ លោកអភិបាលស្រុកបានបន្តថា ក្រុមគ្រូពេទ្យបានព្យាយាមទាក់ទង គ្រប់មធ្យោបាយទៅពួកគេទាំង២៩នាក់នោះ ហើយតែពុំអាចទាក់ទងបានដោយសារពួកគាត់មិនបានផ្តល់នូវព័ត៌មានច្បាស់លាស់លើទម្រង់ពាក្យស្នើសុំធ្វើពិសោធន៍រកមេរោគជំងឺកូវីដ១៩ ដូចជាលេខទូរស័ព្ទទំនាក់ទំនង និងអាសយដ្ឋានពិតប្រាកដ ព្រមទាំងហៅទូរសព្ទជួបហើយតែមិនសហការ។
លោកអភិបាលស្រុក បានធ្វើការអំពាវនាវដល់សាច់ញាតិ ឬអ្នកដែលបានស្គាល់អ្នកជំងឺ(មានឈ្មោះក្នុងតារាង) ជួយជូនដំណឹងដល់ពួកគាត់ ដើម្បីទទួលការព្យាបាល ហើយអ្នកដែលសង្ស័យជាប់ពាក់ព័ន្ធ ត្រូវដាក់ខ្លួនដាច់ដោយឡែកពីអ្នកដទៃចំនួន១៤ថ្ងៃ។
យោងតាមច្បាប់ទប់ស្កាត់ជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត បានកំណត់ថា ចំពោះបុគ្គលណាអ្នកគេចវេះពីការព្យាបាល ឬគេចចេញពីទីកន្លែងព្យាបាលត្រូវផ្តន្ទាទោស ត្រូវដាក់ពន្ធនាគារពី១ឆ្នាំ ទៅ៥ឆ្នាំ និងពិន័យជាប្រាក់ពី៥លានរៀល ទៅ២០លានរៀល និងត្រូវដាក់ពន្ធនាគារពី៥ឆ្នាំ ទៅ១០ឆ្នាំកាលបើអំពើខាងលើនេះ បានបណ្តាលឲ្យមានការចម្លងជំងឺកូវីដ-១៩ដល់អ្នកដទៃ។ ដោយឡែក បើបុគ្គលណាអ្នកគេចវេះពីការធ្វើចត្តាឡីស័ក ឬគេចចេញពីទីកន្លែងចត្តាឡីស័ក ត្រូវផ្តន្ទាទោសត្រូវដាក់ពន្ធនាគារពី៦ខែទៅ៣ឆ្នាំ និងពិន័យជាប្រាក់ពី២លានរៀល ទៅ១០លានរៀល កាលបើអំពើខាងលើនេះ បណ្តាលឲ្យមានការចម្លងជំងឺកូវីដ-១៩ដល់អ្នកដទៃ៕
អត្ថបទ៖ សំអឿន
សូមចុចអាន៖ សកម្មភាពដែលអ្នកមានសិទ្ធិធ្វើ ក្រោយចាក់វ៉ាក់សាំងកូវីដ-១៩គ្រប់ដូស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ