កូវីដ-១៩

ស្រីៗកំពុងព្យាយាមយកកូន ចាក់វ៉ាក់សាំងកូវីដ-១៩ បានអត់?

បានផុស

៥ years មុន

នៅ

ថ្ងៃព្រហស្បតិ៍ ១៣ ឧសភា ២០២១

ដោយ

Sonya

បច្ចុប្បន្នពិភពលោកមានវ៉ាក់សាំងបង្ការវីរុសកូវីដ១៩ ហើយប្រទេសជាច្រើនកំពុងចាក់វ៉ាក់សាំងនេះដល់ប្រជាពលរដ្ឋដើម្បីការពារការរាតត្បាតវីរុសនេះកាន់តែច្រើន។ ទន្ទឹមនឹងមានវ៉ាក់សាំងនេះមនុស្សមួយចំនួនមិនអាចចាក់បានទេ បើក្រុមគ្រូពេទ្យពិនិត្យឃើញថាមានបញ្ហាសុខភាពណាមួយ។ ចុះស្រីៗយើង មានបំណងយកកូនវិញ អាចចាក់វ៉ាក់សាំងបង្ការកូវីដ១៩បានឬយ៉ាងណា?

Want to have a baby? Do this first | health enews

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមជាការបកស្រាយរបស់មជ្ឈមណ្ឌលត្រួតពិនិត្យនិងបង្ការជំងឺឆ្លង (CDC) អាមេរិក មកឲ្យស្រីៗយើងបានដឹង។

នៅក្នុងវិបសាយCDC អាមេរិក ចុះផ្សាយថ្ងៃទី៣ ខែកុម្ភៈ ឆ្នាំ២០២១ បានពន្យល់ថា ស្រ្តីដែលមានបំណងយកកូន ឬកំពុងព្យាយាមយកកូនគួរតែទៅទទួលវ៉ាក់សាំងបង្ការកូវីដ១៩។

Now Accepting COVID-19 Vaccine Registrations for Those in Phase 1B | Lexington Medical Center Blog | LexWell

CDC អាមេរិកបញ្ជាក់ថា តាមការស្រាវជ្រាវកន្លងមក អ្នកជំនាញជឿថាវ៉ាក់សាំងបង្ការកូវីដ១៩ ទំនងជាមិនមានហានិភ័យណាមួយលើអ្នកព្យាយាមយកកូន ឬមានបំណងយកកូននោះទេ មិនថាក្នុងរយៈពេលខ្លី ឬវែង។

បើតាមCDC អាមេរិក ដដែល វ៉ាក់សាំងបង្ការកូវីដ១៩ ក៏ដូចជាវ៉ាក់សាំងផ្សេងៗទៀតដែរ គឺជួយបង្ហាត់រាងកាយឲ្យបង្កើតបានអង់ទីករ សម្រាប់តទល់នឹងវីរុសបង្កជាជំងឺកូវីដ១៩ និងការពារខ្លួនកុំឲ្យធ្លាក់ខ្លួនឈឺនៅពេលក្រោយ។

First-Time Pregnancy: 4 Ways Dads Can Make It Easier for Moms-to-Be

ប្រភពដដែលបន្តថា គិតមកទល់ពេលនេះមិនមានភស្តុតាងបញ្ជាក់ថាអង់ទីករដែលបង្កើតឡើងដោយវ៉ាក់សាំងបង្ការកូវីដ១៩ អាចបង្កជាបញ្ហាក្នុងការមានផ្ទៃពោះ និងការអភិវឌ្ឈសុកនោះទេ។ បន្ថែមពីនេះ ក៏គ្មានដែរភស្តុតាងបញ្ជាក់ថាវ៉ាក់សាំងនេះធ្វើឲ្យប៉ះពាល់ដល់លទ្ធភាពបង្កកំណើត។

ជាការណែនាំ CDC អាមេរិក ថាអ្នកដែលកំពុងព្យាយាមយកកូន ឬមានបំណងយកកូន គួរទៅទទួលវ៉ាក់សាំងបង្ការកូវីដ១៩ នៅពេលមានការប្រកាសឲ្យចាក់វ៉ាក់សាំងនេះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទីបំផុត! ស្ត្រីពពោះអាចចាក់វ៉ាក់សាំងការពារកូវីដ-១៩ ដោយសុវត្ថិភាព

ចុចអាន៖ កុំព្រួយ! វ៉ាក់សាំងកូវីដ-១៩ មិនប៉ះពាល់ដល់វដ្តរដូវស្ត្រីទេ