កូវីដ-១៩
ពលរដ្ឋជ្រួលច្របល់ ខណៈអ្នកជិតខាងស្លាប់ដោយសារកូវីដ១៩ពីម្សិលមិញ នៅមិនទាន់មានឡានពេទ្យមកយក
ភ្នំពេញ៖ ប្រជាពលរដ្ឋរស់នៅក្នុងភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ មានការច្រួលច្របល់ពេលមានមនុស្សស្លាប់ដោយសារជំងឺកូវីដ-១៩ ហើយក្នុងនោះពួកគាត់សុំឱ្យគ្រូពេទ្យរូតរះមកដឹកសពយកទៅបូជា ព្រោះពួកគាត់ភ័យខ្លាចឆ្លងជំងឺដ៏សាហាវនេះ។
យោងតាមសេចក្តីរាយការណ៍ពីលោក ឈឹម សាមិ មេភូមិជ្រោយបាសាក់ បានឱ្យ “កម្ពុជាថ្មី” ដឹងថា ពិតជាមានប្រជាពលរដ្ឋក្នុងភូមិជ្រោយបាសាក់ នាំគ្នាស្នើសុំលោក ជួយរាយការណ៍បន្តទៅគ្រូពេទ្យឱ្យមកដឹកសពស្ត្រីម្នាក់ឈ្មោះ ង្វៀង ធីវេថាន់ អាយុ៦២ឆ្នាំ បានស្លាប់តាំងពីវេលាម៉ោង១៤រសៀល ថ្ងៃទី៣១ ខែឧសភាមកម្ល៉េះ មិនទាន់មានគ្រូពេទ្យមកដឹកសពចេញបន្ទាប់ពីពិនិត្យសំណាកសពរកឃើញមានវិជ្ជមានកូវីដ-១៩ តាំងពីវេលាម៉ោង១៥។
លោកមេភូមិជ្រោយបាសាក់ បានបញ្ជាក់ទៀតថា បន្ទាប់ពីដឹងសពស្ត្រីខាងលើមានវិជ្ជមានកូវីដ-១៩ មកធ្វើឱ្យប្រជាពលរដ្ឋមានការភ័យខ្លាចឆ្លងជំងឺនេះដល់កូនចៅពួកគាត់។ ហើយម្យ៉ាងទៀតសពស្ត្រីខាងលើមានក្លឹនស្អុយទៅហើយព្រោះសពទុកចោលដោយពុំបានចាក់ថ្នាំការពារកុំឱ្យស្អុយ ព្រោះគ្រូពេទ្យហាមមិនឱ្យប៉ះពាល់សព។
លោក ឈឹម សាមិ មេភូមិជ្រោយបាសាក់ បានរៀបរាប់ពីអាការៈជំងឺស្ត្រីដែលបានស្លាប់នេះគឺដំបូងគាត់ជួបគ្រោះថ្នាក់ចរាចរណ៍នៅកំណាត់ផ្លូវ៣៦៩ ក្នុងភូមិជ្រោយបាសាក់ សង្កាត់ព្រែកប្រា ហើយបន្ទាប់មកកូនចៅនាំយកទៅរុំរបួសនៅគ្លីនិកឯកជនរួចដឹកយកមកផ្ទះវិញ។ លុះដល់វេលាម៉ោង១៣ និង២៥នាទីរសៀល ថ្ងៃទី៣១ ខែឧសភានេះ ស្ត្រីរងគ្រោះមានអាការៈមិនស្រួល ហើយកូនចៅបានរៀបចំដឹកយកមកមន្ទីរពេទ្យ។ ប៉ុន្តែដឹកចេញបានបន្តិចជនរងគ្រោះបានដាច់ខ្យល់ស្លាប់ក្បែរផ្ទះដោយពុំទាន់ចេញមកផ្លូវ៣៦៩ផង។ បន្ទាប់មកក្រុមគ្រួសារបានរាយការណ៍ទៅអាជ្ញាធរដើម្បីសុំលិខិតបូជាសព ពេលនោះអាជ្ញាធរបានរាយការណ៍ទៅគ្រូពេទ្យនៃមន្ទីរពេទ្យបង្អែកខណ្ឌច្បារអំពៅ ចុះមកពិនិត្យសំណាកទើបដឹងថាសពស្ត្រីខាងលើមានវិជ្ជមានកូវីដ-១៩។
ប្រជាពលរដ្ឋសុំឱ្យគ្រូពេទ្យពន្លឿនការដឹកសពចេញផង ព្រោះតាំងពីវេលាម៉ោង១៤រសៀល ថ្ងៃទី៣១ ខែឧសភា មកដល់ម៉ោង១២ថ្ងៃត្រង់ថ្ងៃទី១ ខែមិថុនាទៅហើយ សពមិនទាន់ដឹកចេញរហូតដល់ធំក្លឹនស្អុយទៅហើយ៕
អត្ថបទ៖ នរា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ