ប្រកាស​បិទផ្សារ​រាត្រី​នៅ​ក្រុង​កំពត ក្រោយ​រកឃើញ​អាជីវករ​ឆ្លង​កូវីដ១៩​

រដ្ឋបាលក្រុងកំពត បានសម្រេចផ្អាកជាបណ្ដោះអាសន្នអាជីវកម្មលក់ដូរក្នុងផ្សាររាត្រីកំពត ស្ថិតនៅក្នុង​ក្រុងកំពត ចាប់ពីថ្ងៃទី០៣ ខែមិថុនា ដល់ថ្ងៃទី១០ ខែមិថុនា ឆ្នាំ២០២១ ក្រោយរកឃើញអាជីវករឆ្លងកូវីដ១៩។

យោ​ងតាម​លិខិត​របស់​អភិបាល​ក្រុង​កំពត បាន​ជម្រាប​ដល់ម្ចាស់ផ្សាររាត្រីកំពតបាន​បញ្ជាក់​ ករណី​វិជ្ជមាន​កូវីដ-១៩​(COVID-19+) លើអាជីវករតូបលេខD-08,09 ស្វាមី​អ្នក​ស្រី នាង​ សុខ ដែល​បាន​តេស្ត​រួចហើយ។ ដើម្បីទប់ស្កាត់ការឆ្លងរីករាលដាលជំងឺកូវីដ១៩​រដ្ឋបាល​ក្រុងកំពត សម្រេចផ្អាកអាជីវកម្មលក់ដូរគ្រប់ប្រភេទក្នុងផ្សាររាត្រីកំពត ជាបណ្តោះអាសន្នរយៈពេលមួយសប្តាហ៏ ចាប់ពីថ្ងៃទី០៣ ដល់ថ្ងៃ ទី១០ ខែមិថុនា ឆ្នាំ២០២១។

ចំពោះបងប្អូនដែលមានការពាក់ព័ន្ធនឹងឈ្មោះខាងលើ សូមអញ្ជើញមកពិនិត្យសំណាកនៅការិយាល័យសុខាភិបាលស្រុកប្រតិបត្តិកំពត ឬតាមរយៈទូរស័ព្ទលេខ : ០១២ ៥៦ ១១ ៩៦ / ០១២ ៤៥ ៦៩ ៩០៕