កូវីដ-១៩
ស្ថានទូតអាមេរិកបញ្ជាក់មានបុគ្គលិកវិជ្ជមានកូវីដ-១៩
ស្ថានទូតសហរដ្ឋអាមេរិកប្រចាំនៅរាជធានីភ្នំពេញ បានបញ្ជាក់ប្រាប់ កម្ពុជាថ្មី នៅថ្ងៃទី៤ ខែមិថុនា ឆ្នាំ២០២១នេះថា ថ្មីៗនេះបុគ្គលិកស្ថានទូតម្នាក់បានធ្វើតេស្តវិជ្ជមានកូវីដ-១៩។
លោក Chad Roedemeier មន្ត្រីអ្នកនាំពាក្យស្ថានទូតអាមេរិក បានបញ្ជាក់បន្ថែមថា បុគ្គលិកស្ថិតនៅក្នុងការធ្វើចត្តាឡីស័កដាច់ពីគ្នាយ៉ាងតឹងរ៉ឹង និងទទួលបានការយកចិត្តទុកដាក់ខាងវេជ្ជសាស្ត្រសមស្រប។
ជាមួយគ្នានេះ អ្នកនាំពាក្យស្ថានទូតអាមេរិករូបនេះ អះអាងថា ស្ថានទូតកំពុងធ្វើការយ៉ាងជិតស្និទ្ធជាមួយអាជ្ញាធរសុខាភិបាលកម្ពុជាដើម្បីធានាថា ស្ថានទូតបំពេញបាននូវរាល់តម្រូវការសុខភាពរបស់រដ្ឋាភិបាលដើម្បីការពារការរីករាលដាលនៃការឆ្លងមេរោគកូវីដ-១៩។
លោក Chad Roedemeier បានបញ្ជាក់ថា ស្ថានទូតមិនអាចបង្ហាញព័ត៌មានលម្អិតរបស់បុគ្គលិកដែលឆ្លងជំងឺបន្ថែមទៀតទេ ដោយលោកលើកឡើងថា នេះជាបញ្ហាឯកជនភាព។
គួរបញ្ជាក់ថា អនុគណៈកម្មការស្រាវជ្រាវជំងឺកូវីដ-១៩ បានប្រកាសលើទំព័រហ្វេសបុកផ្លូវការនៅ ថ្ងៃទី០៤ ខែមិថុនា ឆ្នាំ២០២១នេះថា មន្ត្រីសន្តិសុខរបស់ស្ថានទូតអាមេរិកម្នាក់វិជ្ជមានកូវីដ១៩ ដែលមន្ត្រីសន្តិសុខរូបនោះបានចាក់វ៉ាក់សាំង Pfizer ដូសទី២ រួចរាល់បានជាង២សប្ដាហ៍៕
អត្ថបទ៖ ច័ន្ទ វីរៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង