កូវីដ-១៩
៦ ខេត្តកំពុងផ្ទុះឆ្លងធ្ងន់ធ្ងរ មួយថ្ងៃឆ្លងជិត ៣០ នាក់ កោះកុងឆ្លងជាង ១០០ នាក់
៦ ខេត្តកំពុងមានករណីផ្ទុះឆ្លងក្នុងទ្រង់ទ្រាយធំក្នុងសហគមន៍ ដែលមានពាក់ព័ន្ធគ្នា រហូតមានការបិទភូមិឃុំមួយចំនួន។តួលេខ ៧ ថ្ងៃចុងក្រោយ ខេត្តទាំង ៦ សរុបចូលគ្នាមានអ្នកឆ្លងជិត ១ ពាន់នាក់ ខណៈជនរងគ្រោះមួយចំនួនមិនទាន់អាចកំណត់អត្តសញ្ញាណបាននៅឡើយ។
>ព្រៃវែង
ព្រៃវែងជាខេត្តមួយជាប់ព្រំដែនវៀតណាម។ ខេត្តជាជង្រុកស្រូវលេខមួយ មានការផ្ទុះរាលដាល១០ ស្រុក ហើយស្រុកដែលធ្ងន់ធ្ងរមានស្រុកស្វាយអន្ទរ និងព្រះស្តេចដែលស្ថិតនៅតាមបណ្តោយផ្លូវជាតិលេខ ១។
តួលេខអ្នកឆ្លងនៅខេត្តព្រៃវែងរយៈពេល ០៧ ថ្ងៃចុងក្រោយ៖
១៥ មិថុនា -៥៦ នាក់
១៤ មិថុនា -៣៣ នាក់
១៣ មិថុនា -៣៩នាក់
១២ មិថុនា -២០ នាក់
១១ មិថុនា -៣៨ នាក់
១០ មិថុនា -៤២ នាក់
០៩ មិថុនា -៤០ នាក់
>កំពត
ដោយឡែកខេត្តកំពតក៏រងគ្រោះធ្ងន់ធ្ងរផងដែរពាក់ព័ន្ធកាស៊ីណូនៅស្រុកកំពង់ត្រាច ដែលមកដល់ពេលនេះមានអ្នកឆ្លងរាប់រយនាក់។
តួលេខអ្នកឆ្លងនៅខេត្តកំពតរយៈពេល ០៧ ថ្ងៃចុងក្រោយ៖
១៥ មិថុនា – ២៩ នាក់
១៤ មិថុនា -៨១ នាក់
១៣ មិថុនា -៥៥ នាក់
១២ មិថុនា -៣៣ នាក់
១១ មិថុនា -៣២ នាក់
១០ មិថុនា -៣៤ នាក់
០៩ មិថុនា -៤៩ នាក់
>សៀមរាប
ខេត្តសៀមរាប កំពុងរិតបន្តឹងនិងដាក់ភូមិសាស្រ្ដមួយចំនួនជាតំបន់ក្រហម ដូចជានៅឃុំកំពង់ឃ្លាំង ដែលពាក់ព័ន្ធអាហារដ្ឋានមួយកន្លែងនៅស្រុកជីក្រែង ដែលអាជ្ញាធរអះអាងជាប្រភពនៃការចម្លងកូវីដ១៩។
តួលេខអ្នកឆ្លងនៅខេត្តសៀមរាបរយៈពេល ០៧ ថ្ងៃចុងក្រោយ៖
១៥ មិថុនា – ១២ នាក់
១៤ មិថុនា -៣៥ នាក់
១៣ មិថុនា -៣៦ នាក់
១២ មិថុនា -៥៣ នាក់
១១ មិថុនា -២៧ នាក់
១០ មិថុនា -៤៥ នាក់
០៩ មិថុនា -៤៩ នាក់
>បន្ទាយមានជ័យ
ខេត្តបន្ទាយមានជ័យ ដែលជាប់ព្រំដែនថៃមានការផ្ទុះនៅក្រុងប៉ោយប៉ែតលើបុគ្គលិកបរទេសនិងខ្មែររាប់រយនាក់។ តំបន់ប៉ោយប៉ែតជាប្លុកកាស៊ីណូ និងច្រកចេញចូលជាមួយប្រទេសថៃ ដែលជាទីប្រជុំជនដ៏កុះករប្រមូលផ្តុំដោយអាជីវកម្មនិងការរកស៉ីរបស់អ្នកវិនិយោគជាតិនិងអន្តរជាតិជាច្រើន។
តួលេខអ្នកឆ្លងនៅខេត្តបន្ទាយមានជ័យរយៈពេល ០៧ ថ្ងៃចុងក្រោយ៖
១៥ មិថុនា – ៤៥ នាក់
១៤ មិថុនា -៤៤ នាក់
១៣ មិថុនា -៣៥ នាក់
១២ មិថុនា (មិនមានរបាយការណ៍)
១១ មិថុនា -៣៤ នាក់
១០ មិថុនា -៣៧នាក់
០៩ មិថុនា -៣៥ នាក់
>កំពង់ចាម
ខេត្តកំពង់ចាម បានរកឃើញការឆ្លងពាក់ព័ន្ធលើកម្មកររាប់សិបនាក់។ គិតត្រឹមថ្ងៃ ១៥ មិថុនា ២០២១ ខេត្តកំពង់ចាមមានតួលេខអ្នកឆ្លងសរុប ១២៨១ នាក់ ជាសះស្បើយ ៨២៥ នាក់ កំពុងសម្រាកព្យាបាល ៤៥៦ នាក់។
តួលេខអ្នកឆ្លងនៅខេត្តកំពង់ចាមរយៈពេល ០៧ ថ្ងៃចុងក្រោយ៖
១៥ មិថុនា – ៣២ នាក់
១៤ មិថុនា -១៩ នាក់
១៣ មិថុនា -២១ នាក់
១២ មិថុនា -៣៩ នាក់
១១ មិថុនា -៣៨ នាក់
១០ មិថុនា -២០ នាក់
០៩ មិថុនា -១៨ នាក់
>កោះកុង
ចំណែកកោះកុងទើបមានការផ្ទុះចូលសហគមន៍ទ្រង់ទ្រាយធំប៉ុន្មានថ្ងៃមុននេះ។ កាលពីថ្ងៃ ១៤ មិថុនា អាជ្ញាធរបានរកឃើញអ្នកពាក់ព័ន្ធ ១៦១ នាក់ ឆ្លងកូវីដ ហើយបើអត្តសញ្ញាណគឺជាពលរដ្ឋនៅក្រុងខេមរភូមិន្ទជាពិសេសនៅភូមិចាំយ៉ាម ឃុំប៉ាក់ខ្លង ស្រុកមណ្ឌលសីម៉ា។
តួលេខអ្នកឆ្លងនៅខេត្តកោះកុងរយៈពេល ០៧ ថ្ងៃចុងក្រោយ៖
១៥ មិថុនា – ៦២ នាក់
១៤ មិថុនា -១៦១ នាក់
១៣ មិថុនា -១២ នាក់
១២ មិថុនា -០ នាក់
១១ មិថុនា -០៤ នាក់
១០ មិថុនា -០៥ នាក់
០៩ មិថុនា -០១ នាក់
គួរបញ្ជាក់ថា កម្ពុជាមានតួលេខអ្នកឆ្លងប្រចាំថ្ងៃក្នុងរង្វង់ ៥០០ ទៅ ៦០០ នាក់។ រាជធានីភ្នំពេញនៅតែកន្លែងផ្ទុះឆ្លងរាលដាលធ្ងន់ធ្ងរ ជាពិសេសនៅតំបន់ប្លុករោងចក្រច្រើនមានខណ្ឌមានជ័យ និងខណ្ឌពោធិ៍សែនជ័យ។បើតាមរបាយការណ៍ប្រចាំថ្ងៃឃើញថា ខេត្តមានចំនួន ០៦ មានការផ្ទុះឆ្លងក្នុងកម្រិតព្រួយបារម្ភ ខណៈខេត្តខ្លះបានចាត់វិធានការបិទខ្ទប់ភូមិដ្ឋានមួយចំនួន ដោយសារមានការឆ្លងពាក់ព័ន្ធគ្នា មិនអាចកំណត់អត្តសញ្ញាណបាន៕
អត្ថបទ៖ ប៊ុណ្ណារ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង