កម្មកររោងចក្រនៅស្រុក បរិបូណ៌ ២២ នាក់ វិជ្ជមាន​កូវីដ១៩

ប្រធានមន្ទីរសុខាភិបាល ខេត្តកំពង់ឆ្នាំង លោក ប្រាក់ វ៉ុន បានឱ្យដឹងថា កម្មកររោងចក្រចំនួន ២២ នាក់រកឃើញវិជ្ជ​មានកូវីដ១៩ តាមរយៈឧបករណ៍តេស្តរហ័ស ក្នុងចំណោម ៧៨នាក់ ដែលបម្រើការងារនៅរោងចក្រ ស្រុកក្រគរ ខេត្តពោធិ៍សាត់។

លោក ប្រាក់ វ៉ុន បានបញ្ជាក់ថានេះគ្រាន់តែជាព័ត៌មានបឋមប៉ុណ្ណោះមិនទាន់យកជាផ្លូវការទេ ដោយយើងត្រូវបញ្ជូនសំណាកពួកគាត់យកទៅវិទ្យាស្ថានប៉ាស្ទ័រក្រុងភ្នំពេញបន្តទៀត។

ដោយឡែកអ្នក មានវិជ្ជមានខាងលើនេះយើងនឹងរៀបចំឲ្យពួកគាត់សម្រាកព្យាបាលនៅក្នុងស្រុកបរិបូណ៌តែម្ដង។ ចំ ណែកអ្នកអវិជ្ជមានត្រូវឱ្យធ្វើចត្តាឡីស័កនៅ ក្នុងមណ្ឌលចិត្តាឡីស័ក ក្នុងស្រុកបរិបូណ៌។

ដោយឡែក លោក អម សុភា អភិបាលរងខេត្តកំពង់ឆ្នាំង និងប្រធានគណៈកម្មការប្រយុទ្ធប្រឆាំងជំងឺកូវីដ១៩ ខេត្តកំពង់ឆ្នាំង បានបញ្ជាក់ឱ្យដឹងថា ប្រជាពលរដ្ឋនៅក្នុងខេត្តកំពង់ឆ្នាំងចំនួន ៨១៨នាក់ បានទៅធ្វើជាកម្មកររោងចក្រនៅស្រុកក្រគរ ខេត្តពោធិ៍សាត់៕

អត្ថបទ៖ ឈៀងថារិទ្ធ