កូវីដ-១៩

លោកឯក និមល ប្រធានផ្សារបឹងកេងកងរកឃើញវិជ្ជមានកូវីដ១៩

បានផុស

៥ years មុន

នៅ

ថ្ងៃអង្គារ ២៩ មិថុនា ២០២១

ដោយ

ភ្នំពេញ ៖ លោកឯក និមល ប្រធានផ្សារបឹងកេងកង ត្រូវបានប្រកាសរកឃើញវិជ្ជមានកូវីដ១៩ នៅថ្ងៃទី២៩ ខែមិថុនា ឆ្នាំ២០២១ នេះបើតាមលោកឃួង ស្រេង អភិបាលរាជធានីភ្នំពេញ បានថ្លែងនៅក្នុងកិច្ចប្រជុំជាមួយអាជ្ញាធរខណ្ឌទាំង១៤ នាល្ងាចថ្ងៃទី២៩មិថុនានេះ នៅសាលារាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឃួង ស្រេង បានមានប្រសាសន៍ថា “គិតមកដល់រសៀលថ្ងៃទី២៩មិថុនានេះ បងប្អូនអាជីវករនៅផ្សារបឹងកេងកងចំនួន២៦៧នាក់ហើយ ដែលក្រុមគ្រូពេទ្យបញ្ជាក់ថា ពួកគាត់មានវិជ្ជមានកូវីដ-១៩ ។ វាពិតជាឆ្លងរាលដាលលឿនពេកហើយ” លោកបានអោយវិទ្យាស្ថានសុខភាពសាធារណៈNIPH យកទៅពិនិត្យមើល ព្រោះវាលឿនពេក។ “ចាប់ពីថ្ងៃ២៥ មិថុនា រហូតមកដល់ពេលនេះមានចំនួន២៦៧នាក់ទៅហើយ ហើយប្រធានផ្សារក៏កើតជំងឺកូវីដ-១៩នេះដែរ ចាក់វ៉ាក់សាំង២ដងហើយ រត់ចុះ រត់ឡើង ហត់ខុសធម្មតា ទៅពិនិត្យយកសំណាក មានវិជ្ជមានកូវីដ-១៩បាត់”។

លោកបន្តទៀតថា ចំពោះប្រធានផ្សារទាំងអស់នៅក្នុងរាជធានីភ្នំពេញ អភិបាលខណ្ឌទាំងអស់ត្រូវពង្រឹង នៃការទប់ស្កាត់កូវីដ-១៩នៅតាមទីផ្សារនេះ ឲ្យបានខ្លាំងជាងមុនទ្វេដង សំដៅធ្វើយ៉ាងណាកុំឲ្យផ្សាររបស់យើងវិលទៅរកការបិទដូចមុនម្តងទៀត៕

កែសម្រួលដោយ ៖ នាគព័ន្ធ