កូវីដ-១៩
គណៈកម្មការចាក់វ៉ាក់សាំងកូវីដ១៩ សម្រុកចាក់វ៉ាក់សាំងជូនដល់ពលរដ្ឋនៅខេត្តជាប់ព្រំដែនកម្ពុជា ថៃ
ភ្នំពេញ ៖ គណៈកម្មការចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេសនឹងចុះចាក់វ៉ាក់សាំងការពារជំងឺកូវីដ១៩ ដល់ប្រជាពលរដ្ឋរស់នៅទីប្រជុំជននៅតាមបណ្តាខេត្តជាប់ព្រំដែនកម្ពុជាថៃជាបន្តបន្ទាប់ដើម្បីបង្កើតភាពស៊ាំក្នុងសហគមន៍ទប់ស្កាត់ការឆ្លងរាលដាលជំងឺកូវីដ១៩។
ការសម្រុកចាក់វ៉ាក់សាំងនៅខេត្តជាប់ព្រំដែននេះដោយសារបច្ចុប្បន្ននេះខេត្តទាំងនោះកំពុងមានការឆ្លងជំងឺកូវីដ១៩ពិសេសជំងឺកូវីដបំប្លែងខ្លួនថ្មីដែលតា ដែលឆ្លងទៅលើអ្នកដំណើរមកពីប្រទេសថៃ។
យោងតាមគណៈកម្មាការចាក់វ៉ាក់សាំងបច្ចុប្បន្ននេះ ក្រុមការងារចាក់វ៉ាក់សាំងបានកំពុងដំណើរការចាក់វ៉ាក់សាំងខេត្តប៉ៃលិន ខេត្តបន្ទាយមានជ័យ។ ចំណែកខេត្តបាត់ដំបងនិងខេត្តឧត្តរមានជ័យគ្រោងនឹងបើកយុទ្ធចាក់នៅថ្ងៃទី១២កក្កដាឆ្នាំ២០២១ខាងមុខនេះ។
ក្នុងនោះ ខេត្តបាត់ដំបងនឹងចាក់ជូនដល់ប្រជាពលរដ្ឋនៅក្រុងបាត់ដំបងចាប់ពីម៉ោង៧និង៣០នាទីដល់ម៉ោង១២និងពេលរសៀលចាប់ពីម៉ោង១និង៣០នាទីដល់ម៉ោង៤ រសៀលនៅតាមទីតាំងចំនួន ៨កន្លែង។
ចំណែកខេត្តឧត្តរមានជ័យនឹងចាក់ចាប់ពីថ្ងៃទី១២រហូតដល់ថ្ងៃទី២៦កក្កដាសម្រាប់ដូសទី១និងដូសទី២ចាប់ពីថ្ងៃទី២៧ ខែកក្កដា រហូតដល់ថ្ងៃទី៩ ខែសីហា ឆ្នាំ២០២១ នៅតាមទីតាំងចំនួន២៣កន្លែង។
ក្រៅពីនេះនៅថ្ងៃទី១២ កក្កដាខាងមុខនេះដែរ ខេត្តកំពង់ធំនឹងបើកយុទ្ធនាការចាក់វ៉ាក់សាំងនៅតាមស្រុកចំនួន៤រួមមានស្រុកសន្ទុក ស្រុកបារាយ ស្រុកតាំងគោកនិងក្រុងស្ទឹងសែននៅតាមទីតាំងចំនួន៣៧កន្លែង។
យុទ្ធនាការចាក់វ៉ាក់សាំងការពារជំងឺកូវីដ១៩បានពង្រីកវិសាលភាពដល់ចំនួន១៨ខេត្តហើយក្នុងចំណោមរាជធានីខេត្តទាំង២៥ ក្នុងនោះរួមមាននៅខេត្តកណ្តាល កំពង់ស្ពឺ កំពង់ឆ្នាំង ពោធិ៍សាត់ ស្វាយរៀង កោះកុង ព្រះសីហនុ កំពង់ចាម ត្បូងឃ្មុំ តាកែវ បន្ទាយមានជ័យ ប៉ៃលិន ខេត្តព្រៃវែង ខេត្តសៀមរាបខណៈរាជធានីភ្នំពេញបានបិទបញ្ចប់យុទ្ធនាការកាលពីថ្ងៃទៅ០៨កក្កដាឆ្នាំ២០២១បូកទាំងខេត្តកំពង់ធំ បាត់ដំបងនិងខេត្តឧត្តរមានជ័យដែលគ្រោងនឹងចាក់នៅថ្ងៃទី១២កក្កដាខាងមុខនេះ។
ក្រសួងសុខាភិបាលបានឱ្យដឹងថា គិតចាប់ពីថ្ងៃទី១០ខែកុម្ភៈ រហូតមកដល់ត្រឹមថ្ងៃទី០៩កក្កដាឆ្នាំ២០២១នេះមានពលរដ្ឋបានចាក់វ៉ាល់សាំងនៅទូទាំងប្រទេសចំនួន៤៧៩៣១៩៧ នាក់ស្មើនឹង៤៧.៩៣ភាគរយធៀបនឹងគោលដៅ១០លាននាក់ ៕
ដោយ ៖ សំអឿន
-
កីឡា១ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៣ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៦ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម១ សប្តាហ៍ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ២ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ
-
ព័ត៌មានជាតិ១ សប្តាហ៍ agoអគ្គនាយករងគយ ឆ្លើយតបភាពយឺតយ៉ាវក្នុងការរត់ឯកសារបែបបទ នាំទំនិញចេញចូលប្រទេសកម្ពុជា