កូវីដ-១៩
ព្រះសង្ឃ និងសាសនិកផ្សេងទៀត ឆ្លងកូវីដ-១៩ ជាង ១ ៧០០ អង្គ-នាក់ ស្លាប់ ២៣ អង្គ-នាក់
មន្ត្រីជាន់ខ្ពស់ ក្រសួងធម្មការ និងសាសនា បានមានប្រសាសន៍ ថាគិតត្រឹមថ្ងៃទី០៥ ខែមីនា ឆ្នាំ២០២២នេះ មានព្រះសង្ឃព្រះពុទ្ធសាសនា និងអ្នកកាន់សាសនាផ្សេងៗទៀតនៅក្នុងប្រទេសកម្ពុជាចំនួន ១ ៧៥១ អង្គ-នាក់ បានឆ្លងជំងឺកូវីដ-១៩ និងស្លាប់បាត់បង់ជីវិតចំនួន ២៣ អង្គ-នាក់។
លោក សេង សុមុនី រដ្ឋលេខាធិការ និងជាអ្នកនាំពាក្យ ក្រសួងធម្មការ និងសាសនា បានមានប្រសាសន៍នៅរសៀលថ្ងៃទី០៧ ខែមីនានេះ ថាក្នុងចំណោមអ្នកឆ្លង ១ ៧៥១ អង្គនាក់ និងស្លាប់ ២៣ អង្គនាក់នោះ ភាគច្រើនជាព្រះសង្ឃ ព្រះពុទ្ធសាសនា មានសរុបចំនួន ១ ២៧៥ អង្គ ជាសះស្បើយ ១ ២៦៤ អង្គ និងអនិច្ចធម្ម ១៦អង្គ។ ឥស្លាមសាសនាវិញមានមេដឹកនាំឆ្លងសរុប ៣១៥ នាក់ ជាសះស្បើយ ៣០៥នាក់ និងមរណៈភាព ០៦នាក់ គ្រិស្ទសាសនាមានមេដឹកនាំឆ្លងសរុប ១២៣ នាក់ ជាសះស្បើយសរុប ១១៦ នាក់ និង ស្លាប់ ១នាក់ និងសាសនាមហាយាន មានមេដឹកនាំឆ្លងសរុប ៣៨ នាក់ ជាសះស្បើយសរុប ៣៨ នាក់ និងមិនមានអ្នកស្លាប់ទេ។ ចំណែកសាសនាផ្សេងៗទៀតមិនមានឆ្លងទេ។
លោក សេង សុមុនី បានពន្យល់ថា មូលហេតុដែលបណ្តាលឱ្យព្រះសង្ឃព្រះពុទ្ធសាសនាឆ្លងជំងឺកូវីដ-១៩ គឺដោយសារមានព្រះសង្ឃខ្លះបានឆ្លងពីក្មេងវត្តចេញទៅធ្វើជាកម្មករនៅខាងក្រៅ ហើយបានមកចម្លងជំងឺដល់ព្រះសង្ឃ និងព្រះសង្ឃខ្លះទៀតបានឆ្លងជំងឺកូវីដ-១៩ ពេលព្រះអង្គចេញនិមន្តបិណ្ឌបាត្រនៅខាងក្រៅ ដែលករណីទាំងនេះកើតនៅរាជធានីភ្នំពេញ។ ចំណែកព្រះសង្ឃតាមខេត្តឆ្លងជំងឺកូវីដ-១៩វិញ ភាគច្រើនព្រះអង្គបានចូលរួមពិធីបុណ្យទានផ្សេងៗ។
លោក សេង សុមុនី បានអំពាវនាវដល់ព្រះសង្ឃ និងសាសនិកផ្សេងៗទៀត ត្រូវបន្តការប្រុងប្រយ័ត្នខ្ពស់ចំពោះជំងឺកូវីដ-១៩ និងអនុវត្តឱ្យមានខ្ជាប់ខ្ជួននូវវិធានការរបស់ក្រសួងសុខាភិបាល ពិសេសវិធាការ ៣កុំនិង៣ការពារ ដើម្បីទប់ស្កាត់ការឆ្លងរីករាលដាលជំងឺកូវីដ-១៩ ក្នុងវត្តអារាម ពិសេសជំងឺកូវីដ-១៩ ប្រភេទបំប្លែងខ្លួនថ្មី អូមីក្រុង ដែលកំពុងធ្វើចរាចរណ៍នៅក្នុងប្រទេសកម្ពុជា៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល