កូវីដ-១៩
លោកស្រី ឱវណ្ណឌីន អំពាវនាវឱ្យពលរដ្ឋបង្កើនការទប់ស្កាត់ការឆ្លងជំងឺកូវីដ-១៩ ទ្រង់ទ្រាយធំ
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យ ក្រសួងសុខាភិបាល បានអំពាវនាវដល់ប្រជាពលរដ្ឋបង្កើនការប្រុងប្រយ័ត្នឱ្យបានខ្ពស់បន្ថែមទៀត ដើម្បីទប់ស្កាត់ការឆ្លងរាលដាលជំងឺកូវីដ-១៩ លក្ខណៈទ្រង់ទ្រាយធំនៅក្នុងសហគមន៍។
ការអំពាវនាវរបស់លោកស្រី វេជ្ជបណ្ឌិត ឱ វណ្ណឌីន បានធ្វើឡើងបន្ទាប់ពីស្ថានភាពការឆ្លងជំងឺកូវីដ-១៩ នៅក្នុងសហគមន៍ហាក់មានការកើនឡើងខ្ពស់ឡើងវិញគួរឱ្យព្រួយបារម្ភ។
តាមរយៈតេឡេក្រាម លោកស្រីវេជ្ជបណ្ឌិត បានជំរុញឱ្យប្រជាពលរដ្ឋអនុវត្តន៍យ៉ាងម៉ឺងម៉ាត់នូវវិធានសុខាភិបាលរួមទាំងការពាក់ម៉ាសលាងសម្អាតដៃឱ្យបានទៀងទាត់ រក្សាគម្លាតសុវត្ថិភាព និងទៅទទួលវ៉ាក់សាំងដុសជំរុញដើម្បីទប់ស្កាត់ការកើនឡើងនៃករណីឆ្លងថ្មីទ្រង់ទ្រាយធំក្នុងសហគមន៍។
លោកស្រី វេជ្ជបណ្ឌិត បានមានប្រសាសន៍ថា ការព្រងើយកន្តើយរបស់ប្រជាពលរដ្ឋគឺជាបង្អួចនៃឱកាសសម្រាប់មេរោគកូវីដ-១៩ ដើម្បីធ្វើចរាចរនៅក្នុងសហគមន៍។
លោកស្រីវេជ្ជបណ្ឌិត បានបន្តថា ដើម្បីរក្សាប្រក្រតីភាពថ្មី មនុស្សគ្រប់គ្នាត្រូវតែបន្តអនុវត្តន៍វិធានសុខាភិបាលនឹងចាក់វ៉ាក់សាំងឱ្យបានឆាប់តាមដែលអាចធ្វើទៅបាននៅពេលដល់ពេលកំណត់ ព្រោះថាការចាក់វ៉ាក់សាំងបានខ្ពស់បានធ្វើឱ្យប្រទេសកម្ពុជាបានបន្តសកម្មភាពសេដ្ឋកិច្ចសង្គមទាំងអស់ និងបានបើកច្រកព្រំដែនឡើងវិញ។
ជាមួយគ្នានេះ លោកស្រី វេជ្ជបណ្ឌិត បានណែនាំដល់ប្រជាពលរដ្ឋត្រូវចេះទម្លាប់ និងការផ្លាស់ប្ដូររបៀបរស់នៅមិនល្អដើម្បីការពារសុខភាពឱ្យបានល្អ។
លោកស្រី វេជ្ជបណ្ឌិតបានបន្ថែមថា ការផ្លាស់ប្ដូររបៀបរស់នៅមិនល្អគឺ ពិបាក ប៉ុន្តែយើងអាចធ្វើបាន បើយើងប្ដេជ្ញាធ្វើ។ ស្វែងយល់ពីរបៀបដែលយើងកែប្រែទៅប្រកាន់យកអាកប្បកិរិយាដែលមានសុខភាពល្អជាមួយនឹងជម្រើសត្រឹមត្រូវរបស់យើងក្នុងការបរិភោគអាហារដែលមានសុខភាពល្អ រួមជាមួយនឹងការធ្វើលំហាត់ប្រាណទៀងទាត់។
ប៉ុន្មានថ្ងៃនេះ កម្ពុជាមានអត្រាឆ្លងជំងឺកូវីដ-១៩ កើនឡើង ពិសេសនៅក្នុងសហគមន៍ក្រោយពីបានខកខានរកឃើញករណីថ្មីរយៈពេល ៥២ ថ្ងៃ និងបានចាប់ផ្ដើមរកឃើញឡើងវិញចាប់ពីថ្ងៃទី ២៩ ខែមិថុនា ឆ្នាំ ២០២២។ ក្រសួងសុខាភិបាលទើបផ្សាយមុននេះ ពីការសរុបស្ថានភាពជំងឺកូវីដ១៩ សម្រាប់ម្សិលមិញ នៅថ្ងៃទី ៣១ កក្កដា ឆ្នាំ២០២២ ក្រសួងសុខាភិបាលមានរកឃើញអ្នកឆ្លងថ្មីចំនួន ៤០ នាក់ ក្នុងនោះ ២៨ ជាករណីស្នើសុំវិញ្ញាបនបត្រចេញទៅក្រៅប្រទេស និងមិនមានករណីស្លាប់ថ្មីទេ។
គួរបញ្ជាក់ថា គិតត្រឹមថ្ងៃទី ៣១ កក្កដា ឆ្នាំ២០២២ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន ១៣៦ ៨២៩ ករណី, អ្នកជាសះស្បើយសរុបចំនួន ១៣៣ ៥៣២ នាក់, ស្លាប់សរុបចំនួន ៣ ០៥៦ នាក់៕
អត្ថបទ៖ សំអឿន
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន