ជីវិតកម្សាន្ដ

ពិធីការិនី ហ៊ិន ច័ន្ទនីរ័ត្ន អំពាវនាវប្រជាពលរដ្ឋក្នុងតំបន់ក្រហម កុំឆ្វេរឆ្វាច ត្រូវគិតពីផលប្រយោជន៍រួមនិងផលពិបាកប្រទេសជាតិ

បានផុស

៤ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

ភ្នំពេញ ៖ ពិធីការិនីស្រីរូបស្រស់កញ្ញា ហ៊ិន ច័ន្ទនីរ័ត្ន បានធ្វើការអំពាវនាវដល់ប្រជាពលរដ្ឋទាំងអស់ដែលកំពុងរស់នៅក្នុងតំបន់ក្រហមដែលត្រូវបិទខ្ទប់ទាំងអស់ឲ្យមានការប្រុងប្រយ័ត្នខ្ពស់ពិសេសគោរពតាមការណែនាំរបស់ក្រសួង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវរបស់ពិធីការិនី ហ៊ិន ច័ន្ទនីរ័ត្ន នេះបានឡើងស្របពេលដែលជំងឺកូវីដ-១៩កំពុងមានការរីករាលដាលរហូតមានការបិទខ្ទប់ភូមិសាស្ត្រមួយចំនួនជាតំបន់ក្រហម។ ខណៈភូមិសាស្ត្រកន្លែងផ្សេង មួយចំនួនទៀតត្រូវបែងចែកជាតំបន់ លឿង និងលឿងទុំផងដែរ។

កញ្ញា ហ៊ិន ច័ន្ទនីរ័ត្នបានលើកឡើងដោយអំពាវនាវថា អ្នកនៅតំបន់ក្រហមសូមកុំឆ្វេរឆ្វាចសូមគិតពីផលប្រយោជន៍រួមនិងផលពិបាកប្រទេសជាតិកុំដើម្បីផលប្រយោជន៍ខ្លួនពេកប្រយ័ត្ននាំទុកឲ្យគេគ្រប់គ្នា។ ពិបាកដូចគ្នាតែត្រូវតែតស៊ូទៀត។

ជាការកត់សម្គាល់ពិធីការិនីរូបស្រស់ ហ៊ិន ច័ន្ទនីរ័ត្ន កន្លងមកនាងតែងតែធ្វើការបង្ហោះសារដោយបានផ្តាំផ្ញើនិងអំពាវនាវដល់ប្រជាពលរដ្ឋខ្មែរទាំងអស់ត្រូវតែមានការប្រុងប្រយ័ត្នចំពោះជំងឺកូវីដ-១៩។ ពិសេសចូលរួមអនុវត្តន៍តាមការណែនាំ ៣កុំ ៣ការពារផងដែរ៕

ដោយ ៖ ចាន់រ៉ា