ជីវិតកម្សាន្ដ

អ្នកនិពន្ធម្នាក់ រិះគន់តារាមួយចំនួនគ្មានសីលធម៌ និងគុណធម៌ភ្លេចដើមកំណើតខ្លួន

បានផុស

៤ years មុន

នៅ

ថ្ងៃអង្គារ ២៩ មិថុនា ២០២១

ដោយ

អ្នកនិពន្ធលោក សួន ពិសិដ្ឋ សុខៗស្រាប់តែផ្ទុះការរិះគន់យ៉ាងចាស់ដៃលើតារាប្រុស-ស្រីមួយចំនួនដែលមានចរិកមិនថ្លៃថ្នូរហើយតម្កើងឬកខ្ពស់ហួរពពក។

លោក សួន ពិសិដ្ឋ បានធ្វើការរិះគន់ដោយមិនសំចៃមាត់ថា បើខ្លួនក្លាយជាតារាហើយនោះ ចុះបើធ្វើខ្លួននិងចរិតឲ្យជាសាមញ្ញៗទៅវាថី? ចាំបាច់ធ្វើខ្លួនជាតារាមហាអស្ចារ្យ រៀបឫកពាអី្វក៏ម្ល៉េះៗ? ឬមួយក៏ធ្លាក់ថ្កុលមាសតាម…?។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនិពន្ធនិងជាតារាសម្តែងលោក សួន ពិសិដ្ឋ បានលើកឡើងទៀតថា នេះសម្រាប់បុគ្គលដែលជាតារាគ្មានសីលធម៌ គ្មានគុណធម៌ ភ្លេចដើមកំណើតខ្លួនតែប៉ុណ្ណោះ។ សូមកុំរើសដាក់ខ្លួនបើអ្នកមិនមែនដូច្នេះទេនោះ ពេលខ្លះគតិបណ្ឌិតជ្រៅជ្រះពេក ស្ដាប់មិនយល់នោះទេ ទាល់តែពាក្យរាក់ៗក្រៀមភាសាអីទើបស្ដាប់គ្នាយល់។

បន្ថែមពីនេះលោក សួន ពិសិដ្ឋ និយាយដែរថា ថ្ងៃនេះសូមនិយាយពាក្យរៀង(តាច)កាចបន្តិចហើយ និយាយភាសាមនុស្សទេជំជួសមុខឲ្យហ្វេនរាប់លាននាក់ ដែលចង់និយាយពាក្យក្នុងចិត្តនេះ។ រើសអាយដលឲ្យប្រយ័ត្នប្រយែង ចេះមើលអាយដលផងណាហ្វេនៗ ជូនពរសុខភាពល្អទាំងអស់គ្នា។

ទោះបីជាយ៉ាងណាគេមិនដឹងទេថា ការរិះគន់របស់លោក សួន ពិសិដ្ឋ ខាងលើនេះ ចង់និយាយសំដៅលើបុគ្គល ឬតារាណាម្នាក់នោះទេ ព្រោះលោកមិនបានបញ្ចេញឈ្មោះឬអត្តសញ្ញាណបុគ្គលទាំងនោះឡើយ៕

អត្ថបទ ៖ ចាន់រ៉ា