ជីវិតកម្សាន្ដ
“សាស្ត្រាចារ្យផ្នែកអាយ៉ៃជំរុញឲ្យយុវជនរក្សាទម្រង់សិល្បៈអាយ៉ៃកុំឲ្យបាត់បង់”
នៅក្នុងកិច្ចសម្ភាសពិសេសជាមួយគណៈកម្មកាមេប្រយោគក្នុងកម្មវិធីវង់តន្ត្រីខ្មែររដូវកាលទី២ កាលពីថ្ងៃសៅរ៍ ទី១៩ ខែឧសភា ឆ្នាំ ២០២១ កន្លងទៅ អ្នកស្រីសាស្ត្រាចារ្យ អ៊ុក សុផា ឯកទេសចម្រៀងអាយ៉ៃ និងចម្រៀងចាប៉ី បានឲ្យដឹងថា អ្នកស្រីបានចាប់ផ្ដើមប្រឡូកក្នុងវិស័យសិល្បៈតាំងពីឆ្នាំ ១៩៦២ ដែលជាសិល្បៈទូទៅនៅតាមស្រុកស្រែចម្ការ ដូចជាល្ខោន យីកេជាដើម។
មកដល់ឆ្នាំ ១៩៧១ អ្នកស្រីត្រូវបានជម្លៀសមករស់នៅទីក្រុងភ្នំពេញ ក្នុងសម័យសាធារណរដ្ឋខ្មែរ។ នាពេលនោះ លោកព្រឹទ្ធាចារ្យ សង្ហា ផន បាននាំអ្នកស្រី អ៊ុក សុផា ទៅច្រៀងនៅវិទ្យុជាតិ ជាមួយមិត្តសិល្បការនីផ្សេងទៀតរួមមាន អ្នកស្រីណយ សំណាង, ណយ ស៊ីថា និងព្រំ ផល្លា។ ក៏ប៉ុន្តែ ដោយហេតុថា អ្នកស្រីមិនទាន់ចេះច្រៀងចម្រៀងអាយ៉ៃនៅឡើយ ទើបលោកព្រឹទ្ធាចារ្យ សង្ហា ផន សរសេរជាអត្ថបទឲ្យច្រៀងជាបន្តបន្ទាប់ ហើយអ្នកស្រីក៏មិនទាន់អាចឡើងលើឆាកច្រៀងចាប់ចុងចួនដោយខ្លួនឯងនោះដែរ។
លុះក្រោយមក ទើបអ្នកស្រី អ៊ុក សុផា អាចច្រៀងចម្រៀងអាយ៉ៃបានយ៉ាងល្អ បន្ទាប់ពីបានទៅច្រៀងជាមួយសិល្បករសិល្បការនីអាយ៉ៃជើងចាស់ ដូចជា លោកយាយ សារ៉ាំប៉ាក់ និងលោកតា ល្វៃ នៅតាមកម្មវិធីផ្សេងៗ។
គួររំឭកផងដែរថា បច្ចុប្បន្ននេះ អ្នកស្រីសាស្ត្រាចារ្យ អ៊ុក សុផា គឺជាគណៈកម្មការមួយរូប ក្នុងកម្មវិធី វង់តន្ត្រីខ្មែរ រដូវកាលទី២ ក្រោមប្រធានបទ «សិល្បៈបុរាណចម្រុះ»។ កម្មវិធីនេះ ត្រូវបានបង្កើតឡើងដោយសហភាពសហព័ន្ធយុវជនកម្ពុជា ខេត្តស្វាយរៀង គាំទ្រដោយក្រសួងវប្បធម៌ និងវិចិត្រសិល្បៈ និងសមាគមមិត្តតន្ត្រីករ។
ជាមួយគ្នានោះ អ្នកស្រីសាស្ត្រាចារ្យ អ៊ុក សុផា បានមានប្រសាសន៍ទៀតថា៖ “ការច្រៀងចម្រៀងអាយ៉ៃចាំបាច់ត្រូវយកចិត្តទុកដាក់លើការប្រើប្រាស់ពាក្យពេចន៍ ហើយអ្នកសិល្បៈត្រូវមានសិល្បៈក្នុងខ្លួន ធ្វើយ៉ាងម៉េចឲ្យទាក់ទាញ និងមានគេចូលចិត្ត”។អ្នកស្រីសាស្ត្រាចារ្យបានបន្ថែមទៀតថា នាពេលបច្ចុប្បន្ននេះ ហាក់មិនសូវមានឆាក ឬការជួលមកសម្ដែងជាដើម ដូច្នេះសិល្បករ សិល្បការនីផ្នែកអាយ៉ៃ ក៏មិនសូវមានឱកាសនឹងបង្ហាញសមត្ថភាពទេពកោសល្យរបស់ខ្លួននោះដែរ។ ឆ្លៀតក្នុងកិច្ចសន្ទនានោះ អ្នកស្រី អ៊ុក សុផាបានសម្ដែងនូវអារម្មណ៍រំភើបជាមួយ សហភាពសហព័ន្ធយុវជនកម្ពុជា ខេត្តស្វាយរៀង ដែលរៀបចំកម្មវិធីនេះឡើង ដែលបានផ្ដល់ឱកាសឲ្យអ្នកសិល្បៈដែលមិនធ្លាប់បានចេញមុខ បានបង្ហាញសមត្ថភាពរបស់ខ្លួនលើឆាកប្រកួត។
គួរបញ្ជាក់ថា ចំពោះការចូលរួមប្រកួត បងប្អូនត្រូវផ្ញើវីដេអូសម្តែងរបស់ខ្លួន និងថ្លៃចូលរួមប្រកួតតម្លៃត្រឹម ១ម៉ឺនរៀលតែប៉ុណ្ណោះ មកកាន់ទំព័រហ្វេសបុករបស់សហភាពសហព័ន្ធយុវជនកម្ពុជា ខេត្តស្វាយរៀង (UYFC Svay Rieng Province – សហភាពសហព័ន្ធយុវជនកម្ពុជាខេត្តស្វាយរៀង) ឬក៏តេលេក្រាមរបស់កម្មវិធីវង់តន្ត្រីខ្មែរ តាមរយៈលេខទូរស័ព្ទ (099 914 121 / 098 914 121)។ ចំពោះកុមារតូចៗ និងជនពិការ ត្រូវបានលើកទឹកចិត្ត។
កម្មវិធីវង់តន្ត្រីខ្មែររដូវកាលទី២ ជិតឈានដល់ថ្ងៃឈប់ទទួលវីដេអូប្រកួតហើយ ដោយនឹងបិទបញ្ចប់ នៅថ្ងៃទី១៤ ខែកក្កដា ឆ្នាំ២០២១ ខាងមុខនេះ។
*សម្រាប់ព័ត៌មានលំអិតសូមទាក់ទងមកកាន់លេខទូរស័ព្ទ 099 914 121 / 098 914 121 ហើយនិង មានការផ្សាយផ្ទាល់តាមរយៈទូរទស្សន៍ BTV ផងដែរ។
ខាងក្រោមនេះ គឺជា Link វីដេអូគំរូ សម្រាប់ការផ្ញើវីដេអូចូលរួមប្រកួត ក្នុងកម្មវិធី វង់តន្ត្រីខ្មែរ រដូវកាលទី២។
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៤ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម