ជីវិតកម្សាន្ដ

ក្តៅៗ ! ខ្ញុង ប្រកាសវេរលុយត្រឡប់ទៅឲ្យម្ចាស់ដើមវិញទាំងអស់

បានផុស

២ years មុន

នៅ

ថ្ងៃពុធ ២០ តុលា ២០២១

ដោយ

ភ្នំពេញ ៖ បន្ទាប់ពីផ្ទុះនូវរឿងរ៉ាវដ៏ចម្រុងចម្រាស់ជុំវិញតារាកំប្លែង ខ្ញុង ទម្លាយយ៉ាងភ្ញាក់ផ្អើលថាខ្លួនជំពាក់លុយគេជិត៦០ម៉ឺនដុល្លារនោះ គឺរហូតមកដល់ពេលនេះនៅតែប្រធានបទក្តៅនៃការជជែកវែកញែករបស់មហាជននិងអ្នកគាំទ្រនៅលើបណ្តាយសង្គម ហ្វេសប៊ុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញនៅព្រឹកថ្ងៃទី២០ ខែតុលា ឆ្នាំ២០២១ តារាកំប្លែងអ្នកនាងខ្ញុងក៏បានចេញមុខបកស្រាយផងដែរនូវការរិះគន់ដែរថា ការទម្លាយរឿងជំពាក់បំណុលគេជាងកន្លះលានដុល្លារនោះគឺជាឆាកល្ខោនរៀបចំសម្តែងនិងគម្រោងបោកប្រាស់មហាជនដោយអ្នកនាងខ្ញុងបញ្ជាក់ថា នាងគ្មានគំនិតអវិជ្ជមាន ឬ កុហកបែបនេះទេ។

ដោយឡែកបន្ទាប់ពីការបកស្រាយកាលព្រឹកមិញហើយនោះ ក៏ស្រាប់តែនៅយប់ថ្ងៃទី២០ខែតុលាដដែលនេះអ្នកនាង ខ្ញុង បានបង្ហោះសារថ្មីមួយទៀតនៅលើគណនីហ្វេសប៊ុករបស់ខ្លួនដូច្នេះថាជំរាបសួរបងប្អូនទាំងអស់គ្នានាងខ្ញុំមានរឿង៤។

១.នាងខ្ញុំសូមបាញ់លុយដែលបងប្អូនបាញ់ចូលយកឱ្យនាងខ្ញុំត្រឡប់ទៅបងប្អូនវិញទាំងអស់សូមបងប្អូនផ្ញើ វិក្កយបត្រដែលបានបាញ់ឱ្យខ្ញុំចូលក្នុងផេកនេះខ្ញុំនឹងមើលចំនួនបញ្ជូនបងប្អូនវិញ។

២.នាងខ្ញុំសុំពេលពីម្ចាស់ផ្ទះក្នុងការពន្យារការបង់រំលោះប្រចាំខែមួយរយៈសិន ឬបើបងប្អូនណាចង់ទិញនាងខ្ញុំនិងលក់ផ្ទះដែលបានបង់រំលស់មួយរយៈកន្លងមកនេះ។

៣.នាងខ្ញុំសូមប្រកាសលក់ឡានរបស់ប្ដីដើម្បីយកលុយមកធ្វើដើមទុនចុងក្រោយ។

៤.ខ្ញុំសូមអង្វរម្ចាស់បំណុលទាំងអស់ទុកពេលឲ្យនាងខ្ញុំរកលុយសងផង ខ្ញុំនឹងប្រឹងរកលុយសងបងប្អូនទាំងអស់គ្នា។ អ្នកនាង ខ្ញុង បានបន្ថែមថា នាងខ្ញុំសូមអរគុណបងប្អូនទាំងអស់គ្នាដែលបានស្រឡាញ់អាណិតនឹងយល់អំពីនាងខ្ញុំនឹងប្ដី៕

ដោយ ៖ ចាន់រ៉ា