ជីវិតកម្សាន្ដ

ជាថ្មីម្ដងទៀត! ម៉ា ដូណា ប្រកាសទារលុយអតីតតារាកំប្លែងស្រីម្នាក់ ជំពាក់ខ្ទង់ម៉ឺនដុល្លារ

បានផុស

១ year មុន

នៅ

ថ្ងៃពុធ ៥ កុម្ភៈ ២០២៥

ដោយ

ជាថ្មីម្ដងទៀត ដោយអស់ការអត់ធ្មត់ តារាសម្ដែង និងកំប្លែង ម៉ា ដូណា បានប្រកាសយ៉ាងក្តៅគគុកទារលុយអតីតតារាកំប្លែងស្រីម្នាក់ ដែលជំពាក់បំណុលខ្លួនខ្ទង់រាប់ម៉ឺនដុល្លារ ជាយូរឆ្នាំមកហើយ មិនព្រមដោះស្រាយសងទាល់តែសោះ។

នៅថ្ងៃទី ៥ ខែកុម្ភៈ ឆ្នាំ ២០២៥ នេះ តាមរយៈបណ្ដាញសង្គមហ្វេសប៊ុកផ្ទាល់ខ្លួន តារាសម្ដែង និងកំប្លែង ម៉ា ដូណា បានលើកឡើងថា «ជម្រាបសួរដល់លោកជំទាវក្អយ និង ឧកញ៉ា ម៉ូ ដែលជាតារាកំប្លែងល្បី ១ រូប សូមជួយមកដោះស្រាយលុយខ្ញុំ ចំនួន ៤៥ ០០០ ដុល្លារ ផង ព្រោះតាំងពីខ្ញុំឆាតទៅ លែងឆ្លើយតប មិនមែនខ្ញុំភ្លេចទេ តែខ្ញុំហត់នឹងការកុហករបស់អ្នកទាំង ២ ណាស់ ជួយបាញ់លុយសងខ្ញុំផង អាចលុបឆាតបាន តែបញ្ជាក់ថា ខ្ញុំថតទុកអស់ហើយ»។

ពាក់ព័ន្ធរឿងបំណុលខ្ទង់រាប់ម៉ឺនដុល្លារនេះ មិនមែនមានតែ អតីតតារាកំប្លែង ស្រីអយ ម្នាក់ទេ ដែលត្រូវ លោក ម៉ា ដូណា បង្ហោះទារលុយជាសាធារណៈនោះ ក្នុងនោះ ក៏មាន តារាកំប្លែងអ្នកនាង ស្រេង សុកាន់ដា ហៅ ខ្ញុង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួររំលឹកថា កន្លងទៅ អតីតតារាកំប្លែងមានងារជាជំទាវ ជួន ចាន់រតនា ហៅ ស្រីអយ ដោយសារតែជួបវិបត្តិធ្ងន់ធ្ងរ ទើបខកខានក្នុងការបង់តុងទីនឲ្យ លោក ម៉ាដូណា ហើយសន្យាម្ដងហើយម្ដងទៀត តែមិនបានបង់ឲ្យសោះ។ ហេតុនេះហើយ ទើបបានជា លោក ម៉ា ដូណា លែងយល់មុខ ក៏បានបង្ហោះសារទារលុយជាសាធារណៈតែម្ដង៕

អត្ថបទ ៖ ពិសី