ជីវិតកម្សាន្ដ

សន វិជ្ជបុត្រ នាំយកអំណោយនិងថវិកា ជូនមរតកមនុស្សរស់ វីរសិល្បករ ផ្នែកចាប៉ីដងវែង

បានផុស

៦ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

ដោយមើលឃើញពីក្តីអាណិតអាសូរ និងការលំបាករបស់វីរសិល្បករជើងចាស់ ផ្នែកចាប៉ីដងវែងលោកតា អ៊ិន សារុន នោះកាលពីថ្ងៃទី០៨ ខែធ្នូ ឆ្នាំ២០២០ ម្សិលមិញតារាចម្រៀងលោក សន វុជ្ជបុត្រ និងក្រុមការងារបានចុះទៅសួរសុខទុក្ខ ហើយនាំយកសម្ភារៈរួមទាំងថវិកាមួយចំនួនទៅឧបត្ថម្ភជូនដល់គាត់ ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ឲ្យដឹងពីតារាចម្រៀងលោក សន វិជ្ជបុត្រ បានរៀបរាប់ថា លោកនិងក្រុមការងារកាលពីថ្ងៃម្សិលមិញ បាននាំយកថវិកានិងសម្ភារៈមួយចំនួនទៅជូនដល់វីរសិល្បករជើងចាស់ ផ្នែកចាប៉ីដងវែងលោកតា អ៊ិន សារុន ខណៈដែលបច្ចុប្បន្នលោកតាកំពុងរស់នៅយ៉ាងកម្សត់ ក្នុងទឹកដីស្រុករមាសហែក ខេត្តស្វាយរៀង។ លោកបញ្ជាក់ថា ខ្ញុំបានមកសួរសុខទុក្ខលោកតា អ៊ិន សារុន សិល្បៈចាប៉ីដងវែង (មរតកមនុស្សរស់)នៅភូមិត្រពាំងរុន២ចន្ត្រី ស្រុករមាសហែក ខេត្តស្វាយរៀង។ អំណោយដែលនាំយកទៅចែកជួននោះរួមមាន៖ អង្ករ ,ទឹកត្រី ,ទឹកស៊ីអ៊ីវ ,មី, ប្រេងឆា និងត្រីខ រួមទាំងថវិកាមួយចំនួនទៀត ផងដែរ។

តារាប្រុសរូបនេះ ក៏បន្តទៀតថា ក្រៅពីសកម្មភាពចុះសួរសុខទុក្ខ និងចែកអំណោយដល់វីរសិល្បករជើងចាស់ ផ្នែកចាប៉ីដងវែងលោកតា អ៊ិន សារុន នោះនៅថ្ងៃដដែលនេះ លោកនិងក្រុមការងារក៏បន្តដំណើរទៅចែកកង់ចំនួន៦គ្រឿង និងសម្ភារៈសិក្សាដល់សិស្សរៀននៅសាលាបឋមសិក្សាភូមិធំថ្មី ក្នុងទឹកដីភូមិព្រះធាតុ ស្រុកកំពង់ត្របែក ខេត្តព្រៃវែង។

ជាការកត់សម្គាល់នេះ ពុំមែនទើបជាលើកទី១សម្រាប់តារាចម្រៀងលោក សន វិជ្ជបុត្រ នោះទេខណៈកន្លងមកតារាប្រុសរូបនេះ តែងតែបង្ហាញពីសកម្មភាពចែករំលែកក្តីស្រលាញ់ជួយដល់កុមារកំព្រា ចាស់ជរា និងប្រជាពលរដ្ឋជួបការខ្វះខាត នៅតាមបណ្តាខេត្តនានានៃប្រទេសកម្ពុជា។ សកម្មភាពនេះ កំពុងទទួលបានការគាំទ្រនិងលើកសរសើរពីសំណាក់មជ្ឈដ្ឋានមហាជនគ្រប់ស្រទាប់វណ្ណៈទៀតផង៕

អត្ថបទ៖ ចាន់រ៉ា

សូមចុចអាន៖ សុខ ស្រីម៉ុច សម្រស់កាន់តែស្រស់ស្អាត ក្រោយបាត់មុខពីសិល្បៈមួយរយៈខ្លី

Related Topics:តារាចម្រៀងខ្មែរ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា