ជីវិតកម្សាន្ដ

គង់ ច័ន្ទស្រីមុំ រត់ទៅព្យាបាលខ្លួនតាមបែបបុរាណខ្មែរនៅឯខេត្ត

បានផុស

៤ years មុន

នៅ

ថ្ងៃអង្គារ ១៥ មីនា ២០២២

ដោយ

តារាសម្តែងសិចស៊ីកូនមួយ អ្នកនាង គង់ ច័ន្ទស្រីមុំ មុននេះបន្តិចបានធ្វើឲ្យទស្សនិកជន និងអ្នកគាំទ្រភ្ញាក់ផ្អើល និងបង្ហាញការព្រួយបារម្ភគ្រប់គ្នាបន្ទាប់ពីឃើញតារាស្រីរូបនេះ បង្ហោះរូបភាពជាច្រើនសន្លឹកដោយបញ្ជាក់ថា ខ្លួនកំពុងស្ថិតក្នុងការព្យាបាលតាមបែបបុរាណខ្មែរនៅឯខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបានឃើញតារាស្រីអ្នកនាង គង់ ច័ន្ទស្រីមុំ បង្ហោះរូបភាពបង្ហាញពីការព្យាបាលខ្លួនតាមបែបបុរាណខ្មែរនៅតាមខេត្តនោះភ្លាមៗនេះដែរ ក៏មានការផ្ញើសារសួរនាំចំពោះបញ្ហាសុខភាពព្រមជាមួយការសម្តែងក្ដីព្រួយបារម្ភខ្លាំងលើនាងផងដែរ។ អ្នកនាង គង់ ច័ន្ទស្រីមុំ បានលើកឡើងដោយខ្លីថា មកព្យាបាលតាមបែបបុរាណខ្មែរយើងម្តងមើល។

ថ្វីត្បិតតែយ៉ាងតារាសម្តែងអ្នកនាង គង់ ច័ន្ទស្រីមុំ មិនបានបញ្ជាក់ឲ្យដឹងទេថា តើនាងមានជំងឺអ្វីឡើយទើបសម្រេចចិត្តរត់ទៅរកការព្យាបាលតាមរបៀបបុរាណបែបនេះ?។ ខណៈក៏មានការសួរនាំជាច្រើនព្រមនឹងការជួនពរនាងឲ្យសុខភាពឆាប់ល្អប្រសើរឡើងវិញផងដែរ។

ពាក់ព័ន្ធដំណឹងនេះដែរកម្ពុជាថ្មីនៅព្រឹកថ្ងៃទី ១៥ ខែមីនា ឆ្នាំ ២០២២ នេះមិនអាចទាក់ទងដើម្បីសូមការសួរនាំពី គង់ ច័ន្ទស្រីមុំ បានទេ។ ដោយឡែកបើតាមការបញ្ជាក់ពីលោក គឹម សីហា ដែលជាស្វាមីនាងបានឲ្យដឹងថា កាលដែលអ្នកនាង គង់ ច័ន្ទស្រីមុំ ទៅព្យាបាលបែបបុរាណខ្មែរនេះ គឺដើម្បីសម្រួលដល់បញ្ហាចុករោយឆ្អឹងចង្កេះ និងសរសៃផ្សេងៗតែប៉ុណ្ណោះ ពោលគឺមិនមានបញ្ហាសុខភាពអ្វីធ្ងន់ធ្ងរឡើយ៕

អត្ថបទ៖ ចាន់រ៉ា

Related Topics:តារាសម្ដែងខ្មែរ គង់ ច័ន្ទស្រីមុំ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា