ជីវិតកម្សាន្ដ

ភ្ញាក់ផ្អើល តារាសម្តែង Will Smith ទះកំផ្លៀងពិធីករកណ្តាលឆាកពាន Oscars (មានវីដេអូ)

បានផុស

៤ years មុន

នៅ

ថ្ងៃចន្ទ ២៨ មីនា ២០២២

ដោយ

តារាសម្តែង Will Smith បានធ្វើឲ្យព្រឹត្តិការណ៍ប្រគល់ពានរង្វាន់ Oscars ភ្ញាក់ផ្អើលខ្លាំងមែនទែននៅពេលបានទះកំផ្លៀងតារាកំប្លែង Chris Rock ជាពិពីករនៅលើឆាកដោយសារតែនិយាយលេងសើចលើប្រពន្ឌរបស់ខ្លួនកាលពីថ្ងៃអាទិត្យម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែង Rock ដែលឡើងទៅប្រកាសពានរង្វាន់ភាពយន្តឯកសារល្អបំផុតមានទម្លាប់និយាយកំប្លែងខ្លីដែលលើកនេះលោកប្រៀបធៀបសក់រួញរបស់តារាស្រី Jada Pinkett Smith ដែលជាប្រពន្ធរបស់តារាសម្តែង Will Smith ទៅនឹងការលេចមុខសម្តែងរបស់តារាស្រី Demi Moore ក្នុងខ្សែភាពយន្តរឿង “G.I. Jane” និងបានស្នើឲ្យនាងបង្ហាញខ្លួនសម្តែងក្នុងវគ្គបន្ត។

រំពេចនោះបានធ្វើឲ្យមានភាពស្ងប់ស្ងាត់ និងច្របូកច្របល់ក្នុងសាលមហោស្រព Dolby Theatre នៅពេលលោក Smith បានដើរទៅកាន់ឆាក និងបានទះកំផ្លៀង Rock មួយដៃមុនពេលដើរចេញមកអង្គុយនៅន្លែងជាប់នឹងប្រពន្ធ Jada របស់ខ្លួនវិញ។

ក្រោយពេលអង្គុយចុះ លោក Smith បានស្រែកថា ៖«ឈប់និយាយឈ្មោះប្រពន្ធរបស់ខ្ញុំពីមាត់របស់ឯងទៅ»។

នាង Jada Pinkett Smith ដែលជាតារាសម្តែងផងដែរ មានជំងឺ alopecia ដែលជាជំងឺអូតូអ៊ុយមីន ដែលអាចបណ្តាលឱ្យជ្រុះសក់ និងទំពែក ហើយបានបង្ហាញជាសាធារណៈនូវរោគវិនិច្ឆ័យរបស់នាងក្នុងឆ្នាំ ២០១៨។

ប៉ុន្មាននាទីក្រោយមក នៅពេលទទួលពានរង្វាន់ Oscar សម្រាប់តំណែងតួប្រុសឆ្នើមក្នុងរឿង “King Richard” លោក Smith បានធ្វើការសុំទោសដល់អង្គភាព Academy of Motion Picture Arts and Sciences៕