ជីវិតកម្សាន្ដ
លែងយល់មុខ ! ម៉ាដូណា ទម្លាយមុខបុគ្គល២រូប ម្នាក់ជាឧកញ៉ា និងម្នាក់ទៀតជាអ្នកចម្រៀង
ដោយសារតែអស់ភាពអត់ធ្មត់ ព្រោះអ្នកជំពាក់លុយមិនសងតារាសម្តែង ម៉ាដូណា មុននេះបន្តិចបានបង្ហោះសារទាំងអារម្មណ៍ក្តៅក្រហាយភ្ជាប់ជាមួយរូបភាពរបស់បុគ្គល ២ រូប ខណៈមួយមានងារជាឧកញ៉ា និងម្នាក់ទៀតជាអ្នកចម្រៀងដែលជំពាក់លុយខ្លួនផងដែរ។

បើតាមការបញ្ជាក់ពីតារាសម្តែងលោក ម៉ាដូណា បានឲ្យដឹងថា មូលហេតុដែលលោកដាច់ចិត្តទម្លាយបែបនេះ ក៏ព្រោះបុគ្គលទាំង ២ រូបនោះ មិនមានទំនូលខុសត្រូវក្នុងការសងលុយលោកទេ។ម្យ៉ាងទៀត សូម្បីតែឆាតតាមហ្វេសប៊ុកក៏មិនឆ្លើយតបទៀតផង នេះហើយជាហេតុផល។

នៅលើគណនីហ្វេសប៊ុកលោក ម៉ាដូណា បានរៀបរាប់អបដោយរូបភាពដូច្នេះថា មុនដំបូងសុំទោសឧកញ៉ាបងដែលប្អូនបង្ហោះរូបបងបែបនេះ តែប្អូនទាក់ទងបងជាច្រើនខែហើយតែបងពុំមានការឆ្លើយតបហើយប្អូនក៏មិនចង់Shareពីអ្នកផ្សេង ដែលគេបង្ហោះរូបបង ព្រោះសង្ឃឹមថាបងនឹងឆ្លើយតបប្អូន តែពេលនេះបងបាត់ឈឹង លុយសម្រាប់ប្អូនពេលនេះ គឺពិបាកណាស់សងគេចង់ឆ្កួតសូមឧកញ៉ាបងមានក្តីមេត្តាដល់ប្អូនផង។

ដោយឡែកសម្រាប់តារាចម្រៀងប្រុសម្នាក់ទៀត ក៏ត្រូវបានតារាសម្តែងលោក ម៉ាដូណា ទម្លាយដែរថា តាមពិត អេខេ ជាមនុស្សឆ្លាតនឹងការរកស៊ីណាស់ លក់ដូរផងបោះដុំអីវ៉ាន់ផងហើយក៏ជាអ្នកសិល្បៈចម្រៀងមានទទួលរៀបចំឆាកតន្ត្រីទៀត។ ត្រឹមលុយជិត ២ ម៉ឺនដុល្លារ អេខេ អាចរកបានតែហេតុអ្វីមកជាន់ខ្ញុំ នៅពេលខ្ញុំលំបាកបែបនេះ ត្រឹមការឆ្លើយតប ឬក៏សងលុយខ្លះៗក៏ខ្ញុំសប្បាយចិត្តហើយក៏មិនជំពាក់កម្មគ្នា។

លោក ម៉ា ដូណា បន្ថែមទៀតថា សង្ឃឹមថានឹងយល់ហើយលោកបង្ហោះបែបនេះ ដោយសារ អេខេអត់ឆ្លើយក្នុងFacebookសង្ឃឹមទាក់ទងមកផង តែកុំភ្លេចថា អេខេ បានសរសេរសែកABAឲ្យលោកតែលោកមិនប្តឹងទេ សុំចិត្តយល់ផងណា។ សូមជម្រា ដែរថា លោក ម៉ាដូណា កាលពីកន្លងទៅបានទម្លាយយ៉ាងភ្ញាក់ផ្អើលនូវរឿងរ៉ាវ ដែលលោកបានផុងខ្លួនរឿងតុងទីនអស់លុយជាង ៥០ ម៉ឺនដុល្លារផងដែរ ខណៈលោកថាខ្លួនគឺជាជនរងគ្រោះដោយសារកូនតុងទីនបោកជាច្រើននាក់៕


អត្ថបទ៖ ចាន់រ៉ា

-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១ ថ្ងៃ ago
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម២ ថ្ងៃ ago
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ ago
រុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ ago
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ ago
ជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ ago
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ ago
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ