ជីវិតកម្សាន្ដ
តុលាការសម្រេចឲ្យ Ronaldo រួចផុតបណ្ដឹងក្ដីក្ដាំ ដែលអូសបន្លាយពេល ១៣ ឆ្នាំមកហើយ
តារាបាល់ទាត់ពិភពលោក Cristiano Ronaldo របស់ក្លឹបបិសាចក្រហម Manchester United បានរួចផុតការចោទប្រកាន់ ក្រោយត្រូវបានគេចោទប្រកាន់ថា លោកចាប់រំលោភ Kathryn Mallorca ស្ត្រីម្នាក់នៅសហរដ្ឋអាមេរិកក្នុងឆ្នាំ ២០០៩។
ហេតុការណ៍នេះបានកើតឡើងក្នុងឆ្នាំ ២០០៩ នៅពេលដែលកីឡាករបាល់ទាត់វ័យ៣៧ឆ្នាំរូបនេះ បានទៅវិស្សមកាលនៅ Las Vegas ជាមួយប្អូនថ្លៃ និងបងប្អូនជីដូនមួយ។ មុនពេលជួប Kathryn ដែលធ្វើការនៅក្លឹបរាត្រី Palms Casino Resort ពួកគេបានបន្តទៅបន្ទប់ឯកជនមួយ ដែល Mallorca អះអាងថា តារាបាល់ទាត់នេះបានបង្ខំនាង ទោះបីជានាងបដិសេធក៏ដោយ។
ទោះជាយ៉ាងណា Ronaldo បានបដិសេធការចោទប្រកាន់នេះ ហើយក្នុងឆ្នាំ ២០១០ ភាគីទាំងពីរបានឈានដល់ការដោះស្រាយនៅក្រៅតុលាការ និងយល់ព្រមបង់ប្រាក់ចំនួន ៤៦ម៉ឺនដុល្លារ ដើម្បីបញ្ចប់រឿង។ ប៉ុន្តែនៅឆ្នាំ ២០១៨ Mallorca បានដាក់ពាក្យបណ្ដឹងម្ដងទៀត ហើយបានស្នើឲ្យមានការស៊ើបអង្កេតថ្មី។ ដោយនាងបានអះអាងថា ពេលយល់ព្រមធ្វើកិច្ចព្រមព្រៀង គឺបណ្ដាលមកពីនាងរងការគំរាមកំហែងពីភាគីម្ខាងទៀត។ ដោយកាលណោះ នាងទាមទាររហូតដល់ ៦៦លានដុល្លារ សម្រាប់ការឈឺចាប់ពីអតីតកាល និងការផាកពិន័យចំនួន ២២លានដុល្លារ ពីការឈឺចាប់ដែលអាចនឹងកើតឡើងនាពេលអនាគតផងដែរ។
យ៉ាងណាមិញ Jennifer Dorsey ដែលជាចៅក្រមតុលាការសហព័ន្ធអាមេរិក បានសម្រេចបញ្ចប់សំណុំរឿងនេះជាបន្ទាន់ ព្រោះស្ត្រីរូបនេះបានបំពានលើកិច្ចព្រមព្រៀង ដែលបានចរចានៅក្រៅតុលាការ។ ប៉ុន្តែនាងបាននាំរឿងនេះទៅករណីមួយទៀត និងបង្កើតភាពអាម៉ាស់ដល់តារាបាល់ទាត់ដ៏ល្បីល្បាញនេះជាហូរហែ។
គួរបញ្ជាក់ថា Leslie Mark Stovall មេធាវីរបស់ស្រ្តីរូបនេះ បានបរិហារកេរ្តិ៍ Ronaldo ថា បានប្រើប្រាស់ឯកសារលួច ដើម្បីកេងបន្លំប្រាក់ដើមបណ្ដឹង ដោយអយុត្តិធម៌។ ហេតុនេះហើយទើបតុលាការសុំដីកាដោះស្រាយជាបន្ទាន់។ចំណែកមេធាវីរបស់ Ronaldo លោក Peter Christiansen បាននិយាយថា គាត់រីករាយនឹងសាលក្រមនេះ។ លោកបានបន្តថា “យើងរីករាយដែលតុលាការបានដោះស្រាយបញ្ហានេះយ៉ាងហ្មត់ចត់ ហើយអនុវត្តច្បាប់ឲ្យបានត្រឹមត្រូវដែលនាំឲ្យករណីនេះ បញ្ចប់ជាយថាហេតុ៕
ប្រែសម្រួល៖ សាង ស្រីល័ក្ខ
ចុចអាន៖Johnny Depp ស្តារកេរ្តិ៍ឈ្មោះវិញ ក្រោយជាប់ឈ្មោះអាក្រក់ ក្នុងភ្នែកមនុស្សទូទាំងសកលលោក
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២២ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ២៣ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា