Connect with us

ជីវិតកម្សាន្ដ

យក់ ឋិតរដ្ឋា សុំកម្លាំងចិត្តពីអ្នកគាំទ្រក្រោយវិលចូលសិល្បៈជាថ្មី

បានផុស

នៅ

តារាចម្រៀងជើងចាស់អ្នកនាង យក់ ឋិតរដ្ឋា កន្លងមកត្រូវបានគេចាំថា បន្ទាប់ពីនាងបានសាងឈ្មោះល្បីលើវិថីសិល្បៈមួយរយៈមកនោះ ​គឺ​តារា​ស្រី​រូបនេះ​ក៏បាន​ដកខ្លួន​ចេញពី​អាជីព​ចម្រៀង​ជា ច្រើន​ឆ្នាំ​ដោយ​ទៅ​សម្ងំ​បើក​អាជីព​រកស៊ី​ផ្ទាល់ខ្លួន​ស្ទើរ​ភ្លេច​សិល្បៈទៅហើយ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ប៉ុន្តែ​យ៉ាងណាមិញ​ក្រោយ​រសាត់​ឆ្ងាយ​ពី​សិល្បៈអស់​មួយសន្ទុះ​ធំ​ អ្នកនាង យក់ ឋិត​រដ្ឋា កាលពី​ថ្មីៗ​នេះ​ក៏​លេច​វត្តមាន​ឡើងវិញ​ ជាមួយ​ការប្រកាស​វិល​ចូល​វិស័យ​ចម្រៀង ​ដែល​ខ្លួន​ធ្លាប់​បោះបង់​យូរ​ឆ្នាំ​កន្ល​ង​ទៅហើយ​។ ​ទន្ទឹមគ្នា​នោះដែរ​ យក់ ឋិត​រដ្ឋា ​ក៏​បាន​ស្នើ​ដល់​មហាជន​បន្ត​ជួយផ្តល់​ជា​កម្លាំង​ចិត្ត​ និង​គាំទ្រ​វត្តមាន​របស់​នាង​តាមរយៈឆាក​តន្ត្រី​ ឬ​បទ​ចម្រៀ​ង​ថ្មីៗ​ខ្លួន​ផងដែរ​។​

​បន្ទាប់ពី​ការប្រកាស​វិល​ចូល​សិល្បៈវិញ​ពី​សំណាក់​តារាចម្រៀង​ជើងចាស់ យក់ ឋិត​រដ្ឋា គេ​ឃើញ​មាន​ទស្សនិកជន​មួយចំនួនធំ​ បានបង្ហាញ​ការគាំទ្រ​ជា​មួយ​វត្តមាន​ឡើងវិញ​របស់​នាង​គ្រប់គ្នា​។ ជាក់ស្តែង​ស្របពេល​ដែល យក់ ឋិត​រដ្ឋា ទើបតែ​ប្រកាស​ដំណឹ​ង​ល្អ​នេះ ​មិនទាន់បាន​ប៉ុន្មាន​ផង ​គេ​កត់សម្គាល់ឃើញ រដ្ឋា មានឱកាស​បង្ហាញ​ស្នាដៃ​បទ​ចម្រៀង​ថ្មី​របស់ខ្លួន​នៅលើ​បណ្តាញ​សង្គម​បន្តបន្ទាប់​រួច​ជាស្រេច​។​

​ផ្អែក​តាម​ការ​បង្ហោះ​នៅលើ​គណនី​ហ្វេ​ស​ប៊ុ​ក​ផ្ទាល់​ខ្លួន ​របស់​តារាចម្រៀង​មនោសញ្ចេតនា​អ្នកនាង យក់ ឋិត​រដ្ឋា​ កាលពី​យប់​ថ្ងៃទី​ ០៥ ​ខែកក្កដា ​ឆ្នាំ​ ២០២២​ ម្សិល​មិញ​ គឺ​នាង​បាន​បញ្ចេញស្នាដៃ​បទ​ចម្រៀង​ថ្មី​ ១ ​បទ​ បង្ហាញ​ដល់​មហាជន​ដែលមាន​ចំណងជើង​ថា ​ទីលាន ​៣​ ជ្រុង​។​ តាមរយៈបទ​ថ្មី​នេះ​ បានធ្វើ​ឲ្យ​ទស្សនិកជន​នៅតែ​សរសើរ​ពី​ទឹកដម​សំឡេង​ដ៏​ពីរោះ​របស់​នាង​។​

​សម្រាប់​សាមីខ្លួន​អ្នកនាង​យក់​ ឋិត​រដ្ឋា​ ឯណោះ​វិញ​ក្រោយ​បញ្ចេញ​ចម្រៀង​ខាងលើ​ គឺ​នាង​មិនបាន​បរិយាយ​អ្វី​ច្រើន​នោះទេ​គ្រាន់តែ​បញ្ជាក់​ឲ្យដឹង​ដូច្នេះ​ថា​ នេះ​ជា​បទ​ថ្មី​ពី​នាង​ខ្ញុំ​។​ សុំ​មេដៃ​នឹង​កម្លាំង​ចិ ត្ត​ពី​បងប្អូន​ម្នាក់​មួយ​មក​។​ គេ​ឃើញ​អ្នកគាំទ្រ​លើកឡើង​ស្រដៀងៗ​គ្នា​ថា ​ពីរោះ​គ្មាន​ថ្ងៃ​ប្រែ​ឲ្យ​ទាំង​មេដៃ ឲ្យ​ទាំង​បេះដូង,​នៅតែ​ពីរោះ​ដដែល​,​ពីរោះ​ណាស់ idol ណ​ប់​ចិត្ត៕

អត្ថបទ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម