ជីវិតកម្សាន្ដ

ឯកាយូរឆ្នាំ! ណូម័រ ប្រកាសចង់បានស្នេហ៍ពិត

បានផុស

៤ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

តារាតារាសម្តែង និងពីធីការិនីរូបស្រស់ ណូម័រ ត្រូវបានគេកត់សម្គាល់ឃើញថា បច្ចុប្បន្ននេះនាងនៅតែរក្សាបានការគាំទ្រហើយកាន់តែមានសម្រស់ស្រស់ស្អាត ខណ:ទីផ្សាការងារក៏មានហាងឆេងខ្ពស់ដែលជាហេតុធ្វើឲ្យនាងមានលទ្ធភាពសម្ញែងភាពហ៊ឺហារមិនចាញ់តារាស្រីឯទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារហេតុផលនេះ ទើបធ្វើឲ្យ ណូម័រ កាន់តែសប្បាយចិត្ត និងរីកមុខមាត់ដូចគ្រាប់ជី។ ប៉ុន្តែមានរឿងម្យ៉ាងដែលធ្វើឲ្យស្រីស្អាតរូបនេះហាក់មិនសមប្រកបតាមបំណងទេ គឺរឿងរ៉ាវជីវិតស្នេហាឯកជន ខណ:ដែលបច្ចុប្បន្ន ណូម័រ កំពុងសម្ពាយឈ្មោះជាអ្នកមេម៉ាយវ័យក្មេងមានរយ:ពេលច្រើនឆ្នាំមកហើយ បន្ទាប់ពីលែងលះគ្នាជាមួយអតីតស្វាមី គឺ វីជេ សុភា ក្រោយរៀបការបានត្រឹមរយៈពេលខ្លីប៉ុណ្ណោះ។

យ៉ាងណាមិញបន្ទាប់រស់នៅដោយភាពឯកាចាយឈ្មោះជាស្ត្ត្រីមេម៉ាយយូរឆ្នាំ ពិធីការិនីស្រស់ស្អាត ណូម័រ ប្រកាសបើកសញ្ញាភ្លើងខៀវជាថ្មីដើម្បីរកស្នេហ៍ពិតមកស្អំបេះដូង។ អ្នកនាង ណូម័រ បង្ហើបតាមរយ:បណ្តាញសង្គមថា កាលនាងនៅក្មេងអាចនឹងចូលចិត្តស្នេហាដែលមានSurpriseរំភើបៗចង់បានតុក្កតាធំៗ ចង់បានបាច់ផ្កាធំៗជាដើម។

ណូម័រ បានបញ្ជាក់ទៀតថា ដល់ពេលវ័យចាស់ទុំល្មម បែរជាចង់បានស្នេហាធម្មតាៗ ចង់បានអ្នកដែលអាចសើចនឹងរឿងឆ្កួតៗ ជាមួយគ្នា ចង់បានអ្នកដែលផ្ដល់កម្លាំងចិត្តឲ្យគ្នាទៅវិញទៅមកនៅក្បែរគ្នាពេលមានបញ្ហាមិនបាច់អ្វីអស្ចារ្យឲ្យតែស្រលាញ់យកចិត្តទុកដាក់មិនប្រួលប្រែប៉ុណ្ណឹងគ្រប់គ្រាន់ហើយ… (ម្នាក់នោះនៅឯណាMyគូរជីវិត? )។

គួររំលឹកថា អ្នកនាង ណូម័រ ធ្លាប់បានរៀបមង្គលការម្តងរួចមកហើយជាមួយវីជេ សុភា តែគួរឲ្យស្តាយបន្ទាប់ពីរៀបការមិនដល់កន្លះឆ្នាំផងអ្នកទាំងពីរក៏សម្រេចចែកផ្លូវគ្នាដើររៀងខ្លួនទៅវិញ។ ក្រោយពីបែកផ្លូវគ្នារហូតមកដល់ពេលនេះប្រមាណជា៤ឆ្នាំទៅហើយតែតារាសម្តែងរូបស្រស់ ណូម័រ ហាក់មិនទាន់រកអ្នកស្អំបេះដូងឃើញឡើយ៕

អត្ថបទ៖ ចាន់រ៉ា