ជីវិតកម្សាន្ដ
ហង្ស ម៉ានីតា កំពុងអង្រួនបេះដូងអ្នកគាំទ្រ នៅហ្វីលីពីនអំឡុងពេលហ្វឹកហាត់
ហង្ស ម៉ានីតា បាននិងកំពុងធ្វើការហ្វឹកហាត់សមត្ថភាពបន្ថែម នៅប្រទេសហ្វីលីពីន ដើម្បីត្រៀមខ្លួនក្នុងការប្រកួត Miss Universe ក្នុងពេលឆាប់ៗខាងមុខនេះ ប៉ុន្តែអ្វីដែលគួរឲ្យចាប់អារម្មណ៍នោះគឺ កញ្ញាកំពុងតែអង្រួនចិត្តអ្នកគាំទ្រនៅហ្វីលីពីនយ៉ាងច្រើនគួរឲ្យកត់សម្គាល់។
ក្រោយពីក្លាយជាម្ចាស់ជយលាភីមកុដ Miss Universe Cambodia 2022 កញ្ញា ហង្ស ម៉ានីតា បានចូលរួមធ្វើសកម្មភាពសប្បុរសធម៌ មនុស្សធម៌ កុមារកំព្រា និងការងារសង្គមជាច្រើន ហើយក្រៅពីនោះ កញ្ញាក៏បានពង្រឹកសមត្ថភាពបន្ថែម ដើម្បីត្រៀមខ្លួនចេញទៅប្រកួតនៅ Miss Universe 2023 ក្នុងពេលខាងមុខ។
កាលពីយប់ថ្ងៃទី ៦ ខែកញ្ញា ឆ្នាំ ២០២២ កញ្ញា ហង្ស ម៉ានីតា បានធ្វើដំណើរទៅកាន់ប្រទេសហ្វីលីពីន ទទួលការហ្វឹកហាត់ ដើរ ផាត់មុខ រៀបចំខ្លួន និងការឆ្លើយសំណួរផ្សេងៗ ដើម្បីត្រៀមខ្លួនរួចជាស្រេចក្នុងការប្រកួត Miss Universe 2023 លើកទី ៧១ ដែលមានបេក្ខភាពមកពីបណ្ដាប្រទេសជាច្រើនចូលរួម។ លើសពីនេះ គេសង្កេតឃើញថា ម៉ានីតា ត្រូវបានទទួលយ៉ាងកក់ក្ដៅពីសំណាក់ប្រជាជនហ្វីលីពីន ព្រមទាំងផ្ដល់ការគាំទ្រយ៉ាងពេញទំហឹង ជាពិសេសនោះពួកគេក៏បានលើកសរសើរពីសម្រស់ស្រស់ស្អាតរបស់ ម៉ានីតា ទៅដូចនឹងម្ចាស់មកុដ Miss World 2013 នាង Megan Young ផងដែរ។
ទន្ទឹមនឹងនោះ ប្រជាជនហ្វីលីពីន ជាច្រើនបានកោតសរសើរ Miss Universe Cambodia រូបនេះ ពីការប្រើប្រាស់ភាសាអង់គ្លេសបានយ៉ាងល្អ ដោយគ្មានទាក់សូម្បីតែមួយម៉ាត់ និងព្រមទាំងរួសរាយរាក់ទាក់ បូករួមជាមួយស្នាមញញឹមថែមទៀតផង។ ម៉ានីតា ក៏ត្រូវបានអញ្ជើញជាភ្ញៀវកិត្តិយសក្នុងកម្មវិធី Sashing Ceremony Mister International Philippines 2022 កាលពីល្ងាចថ្ងៃទី ៨ ខែកញ្ញា ឆ្នាំ ២០២២។
គួររំលឹកថា កាលពីយប់ថ្ងៃទី ១៥ ខែមិថុនា ឆ្នាំ ២០២២ កញ្ញា ហង្ស ម៉ានីតា កូនកាត់ខ្មែរបារាំង បានក្លាយជាម្ចាស់មកុដ Miss Universe Cambodia 2022 ហើយលំដាប់រងទី ១ កញ្ញា ហេង សុទនិស្ស័យ, លំដាប់រងទី ២ កញ្ញា ហេង ប៉ូនីកា, លំដាប់រងទី ៣ កញ្ញា រតនៈ សុខាវត្តី និងលំដាប់រងទី ៤ បានទៅលើ កញ្ញា ហ៊ុន ហ្គិចឡាង៕
អត្ថបទ៖ ផានិត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ