តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

តារាសម្ដែង Lee Jung-jae តួឯកប្រុសរឿង Squid Game បានបង្កើតប្រវត្តិសាស្ត្រកូរ៉េខាងត្បូងបំផុតជាមួយនឹងការឈ្នះពានរង្វាន់ Emmy Awards នៅរោងមហោស្រព Microsoft នៅទីក្រុង Los Angeles សហរដ្ឋអាមេរិក។

តួសម្តែង Squid Game រូបនេះ បានក្លាយជាតារាសម្តែងកូរ៉េខាងត្បូងដំបូងគេ និងជាតួសម្តែងដើមកំណើតអាស៊ីដំបូងបំផុតដែលឈ្នះពានរង្វាន់ជាតួឯកឆ្នើមនាំមុខគេ ( Outstanding Lead Actor in a Drama Series) នៅក្នុងរឿងភាគរបស់ Netflix កាលពីថ្ងៃទី១២ ខែកញ្ញា ឆ្នាំ២០២២។

គួររំលឹកថាខ្សែភាពយន្ត Squid Game​ ជារឿងភាគដ៏ល្បីល្បាញកាលពីចុងឆ្នាំ២០២១ ហើយរឿងនេះធ្លាប់ឈ្នះពានរង្វាន់ AFI Awards ឆ្នាំ២០២១ ជាកម្មវិធីទូរទស្សន៍តែមួយគត់ក្នុងចំណោមភាពយន្តបរទេស ក្រៅពីអាមេរិក ដែលទទួលពានរង្វាន់ ក្នុងឆ្នាំនោះ។

មិនតែប៉ុណ្ណោះ តារាស្រី Lee You Mi តួអង្គ Ji Young ធ្លាប់ឈ្នះពានរង្វាន់ Emmys ពីកម្មវិធី​ Creative Arts Primetime Emmy Awards លើកទី៧៤ ចំពោះការសម្តែងដ៏លេចធ្លោ ក្នុងរឿងភាគដ៏ល្បី Squid Game ផងដែរ។ ចំណែក តួ តាណាំ វិញធ្លាប់ឈ្នះពានមាសជាតារាឆ្នើម សម្រាប់ឆ្នាំ២០២២ ក្នុងកម្មវិធី “Golden Globes Awards” នៅឯទីក្រុង Los Angeles សហរដ្ឋអាមេរិក ទៀតផង។

ដោយឡែក Lee Jung-jae ក្រោយឈ្នះពានរង្វាន់ភ្លាមៗ លោកបានសម្ដែងនូវក្ដីត្រេកអរជាខ្លាំង ដោយឡើងថ្លែងអំណរគុណដល់សហការីផលិតភាពយន្ត Squid Game ទាំងអស់ ព្រមទាំងអរគុណដល់អ្នកគាំទ្ររបស់ខ្លួននៅទូទាំងពិភពលោក។ ក្រៅពីតារាវ័យ ៤៩ឆ្នាំរូបនេះ ផលិតករភាពយន្តលោក Hwang Dong-hyuk ក៏ឈ្នះពានរង្វាន់សម្រាប់ដឹកនាំឆ្នើមក្នុងរឿងភាគផងដែរ៕

ប្រែសម្រួល៖ សន្យា

ចុចអាន៖ ក្រុមហ៊ុន Netflix ប្រកាសចេញរឿង “Squid Game” វគ្គ ២

ចុចអាន៖ កំហុសឆ្គងទាំង ៩ ក្នុងរឿង “Squid Game” គ្មានអ្នកចាប់អារម្មណ៍ទាល់តែសោះ