KPT+
កំហុសឆ្គងទាំង ៩ ក្នុងរឿង “Squid Game” គ្មានអ្នកចាប់អារម្មណ៍ទាល់តែសោះ
ស្របគ្នានឹងប្រជាប្រិយភាពខ្លាំងក្លាក្នុងពេលដ៏ខ្លីនៃខ្សែភាពយន្តភាគកូរ៉េខាងត្បូងរឿង “Squid Game” រឿងនេះក៏បានបន្សល់នូវកំហុសឆ្គងមួយចំនួន ដែលទស្សនិកជនភាគច្រើនមិនបានចាប់អារម្មណ៍។
១. លេខសម្គាល់បេក្ខជនលេងហ្គេម
អ្នកចូលរួមក្នុងការលេងហ្គេមដ៏គ្រោះថ្នាក់នេះ មានបេក្ខជនសរុបចំនួន ៤៥៦ នាក់ ហើយម្នាក់ៗសុទ្ធតែមានលេខសម្គាល់របស់ខ្លួន អាស្រ័យតាមលំដាប់ដែលពួកគេបានចុះឈ្មោះ។
មិនថាភាគណា ឬឈុតណានោះទេ លេខសម្គាល់ គួរតែរក្សានៅដដែល ប៉ុន្តែផលិតករហាក់មិនសូវយកចិត្តទុកដាក់ចំពោះព័ត៌មានលម្អិតរបស់តួអង្គមិនសំខាន់ឡើយ ខណៈ Player 061 ដែលបង្ហាញនៅក្នុងវីដេអូ ដើមឡើយជាស្ត្រី ប៉ុន្តែរូបថតដែលបានលុបលើអេក្រង់ បែរជាបង្ហាញបេក្ខជនជាបុរស ដែលមានលេខដូចគ្នាទៅវិញ។ កំហុសនេះក៏បានកើតឡើងជាមួយនឹងបេក្ខជនដទៃ ក្នុងវគ្គផ្សេងៗផងដែរ។
២. បេក្ខជនម្នាក់មានអាយុជាង ១០០ឆ្នាំ
Player 017 ជាតួម្នាក់អាចឈានដល់ហ្គេមទី ៥ ត្រង់កន្លែងដែលបេក្ខជនត្រូវទាយថា តើបន្ទះកញ្ចក់មួយណាដែលត្រូវលោតពីលើ ហើយមានសុវត្ថិភាពសម្រាប់ឆ្លងទៅម្ខាងទៀត។ គាត់ជាអតីតជាងកញ្ចក់មុនចូលប្រកួត តែក៏ត្រូវស្លាប់ក្នុងហ្គេម ដោយសារតែ Player 218 ច្រានទម្លាក់។
ចំពោះតួអង្គរូបនេះ ត្រូវបានគេមើលឃើញភាពមិនប្រក្រតីគួរឱ្យអស់សំណើចមួយនៅលើទិន្នន័យឆ្នាំកំណើតរបស់គាត់។ ក្នុងទិន្នន័យបង្ហាញថា Player 017 បានកើតក្នុងឆ្នាំ ១៨៩៧ ដែលនេះធ្វើឱ្យគាត់មានអាយុរហូតដល់ ១២៤ ឆ្នាំទៅហើយ។
យ៉ាងណាមិញ ក្រុមហ៊ុន Netflix បានកែកំហុសវាយអក្សរនេះ ដោយកែប្រែឆ្នាំ ១៨៩៧ មក ១៩៨៧ វិញ។
៣. រាងឆ័ត្រនៅលើជញ្ជាំងមិនដូចគ្នា
នៅក្នុងហ្គេមទីពីរ បេក្ខជនបានអនុញ្ញាតឱ្យជ្រើសរើសរូបមួយ ក្នុងចំណោមរូបរាង ៤ផ្សេងគ្នាគឺ រង្វង់ ត្រីកោណ ផ្កាយ និងឆ័ត្រ។ ក្នុងនោះបេក្ខជនទាំងអស់ត្រូវទាញយករូបរាងដែលខ្លួនរើសពីបន្ទះគ្រាប់ស្ករ កុំឱ្យបែកដាច់ខាត។
ដំបូងឡើយទម្រង់ជើងឆ័ត្រនៅលើជញ្ជាំងជាបន្ទាត់ត្រង់ទេ តែពេល Player 456 យកឆ្កឹះ បែរជាខ្សែកោងទៅវិញ ខណៈលើជញ្ជាំង ក៏បានប្ដូរភ្លាមៗដែរ។
៤. តួអង្គ Seong Gi-hun ធ្វើពុតជាញ៉ាំ ទាំងដែលស្លាបព្រាគ្មានបាយ
នៅក្នុងភាគទី៣ តួអង្គឯក Gi-hun បានត្អូញត្អែររឿងអាហារត្រជាក់ បន្ទាប់គាត់ក៏ញ៉ាំវាទាំងមិនសប្បាយចិត្ត។ បើសង្កេតឱ្យជាក់ ត្រង់ឈុតនេះគេឃើញថា គាត់គ្រាន់តែញ៉ាំខ្យល់ប៉ុណ្ណោះ ព្រោះក្នុងស្លាបព្រាគ្មានអាហារអ្វីសូម្បីបន្តិច។
៥. ការបកប្រែភាសាអង់គ្លេសមិនត្រឹមត្រូវ
នៅក្នុងឈុតដែល Han Mi-nyeo ឬ Player 212 ព្យាយាមបញ្ចុះបញ្ចូលក្រុមផ្សេងឱ្យជ្រើសរើសនាងជាសមាជិក ស្រ្គីបអង់គ្លេសសរសេរថា “I’m not a genius, but I still got it work out.”(ខ្ញុំមិនមែនជាមនុស្សពូកែទេ ប៉ុន្តែខ្ញុំអាចធ្វើវាបាន)។
ផ្ទុយទៅវិញ អ្នកចេះភាសាកូរ៉េ និងអង់គ្លេសស្ទាត់ជំនាញថា តាមពិតអត្ថន័យដែល Mi-nyeo ត្រូវនិយាយគឺ“I am very smart, I just never got a chance to study.” (ខ្ញុំឆ្លាតណាស់ ទោះបីខ្ញុំមិនបានរៀនក៏ដោយ”) ។
៦. ការប្ដូរស៊េរីទូរសព្ទដៃរបស់តួអង្គឯក
នៅភាគបញ្ចប់ ត្រង់ឈុតដែល Gi-hun ធ្វើដំណើរនៅឯស្ថានីយ៍រថភ្លើង ពេលនោះគាត់និយាយទូរសព្ទជាមួយកូនស្រី ដោយប្រើទូរសព្ទ Samsung S7 ។
ប៉ុន្តែខណៈពេលដែលគាត់កំពុងរង់ចាំការហោះហើរ នៅព្រលានយន្តហោះ ក្នុងចន្លោះពេលមិនប៉ុន្មានម៉ោងក្រោយមក ស្រាប់តែគេឃើញគាត់កាន់ទូរសព្ទ Samsung S3 ទៅវិញ។
៧. ទូរសព្ទដៃរបស់ Hwang Jun-ho មិនដែលអស់ថ្ម
ទូរសព្ទដៃរបស់ប៉ូលិស Hwang Jun-ho ហាក់បីដូចមិនដែលអស់ថ្មទាល់សោះ តាំងពីគាត់បន្លំខ្លួនចូលក្នុងកម្មវិធីប្រកួតមក។ វាជាចំណុចដែលទស្សនិកជនមួយចំនួនមិនបានចាប់អារម្មណ៍ ប៉ុន្តែអ្នកខ្លះពិតជាមានចម្ងល់ និងបញ្ចេញមតិគួរឱ្យអស់សំណើច ខណៈទូរសព្ទដៃនេះប្រៀបដូចមានអព្ភូតហេតុ។ ក្នុងពេលប្រហែលមួយសប្តាហ៍ Jun-ho បានប្រើវាដើម្បីថតរូប វីដេអូ និងសរសេរ Note ហើយទស្សនិកមិនដែលឃើញគាត់សាកថ្មនោះទេ ប៉ុន្តែវាដំណើរការយ៉ាងល្អឥតខ្ចោះរហូតដល់ចប់។
៨. លេខទូរសព្ទពិតនៅលើកាត Squid Game
នៅលើកាតនិមិត្តសញ្ញាទាំង ៣ ដែលប្រៀបដូចជាលិខិតអញ្ជើញចូលរួមប្រកួត មានដាក់លេខទូរសព្ទសម្រាប់ទំនាក់ទំនង ប្រសិនបើចង់ចូលរួមលេងហ្គេម។
តាមពិតលេខនោះ ជាលេខទូរសព្ទរបស់ស្ត្រីកូរ៉េខាងត្បូងម្នាក់ ហើយនាងត្រូវបានគេផ្ញើសារ និងខលនិយាយរាប់រយដងក្នុងមួយថ្ងៃ រហូតដល់គាំងលេខទៀតផង។
ក្រោយមក ទើបក្រុមហ៊ុន Netflix បានចេញមុខដោះស្រាយបញ្ហានេះ ដោយកែសម្រួលឈុត ដែលមានដាក់លេខបង្ហាញនោះវិញ។
៩. ប្រភេទហ្គេម សុទ្ធតែមាននៅលើជញ្ជាំងនៃបន្ទប់សម្រាករបស់បេក្ខជន
បេក្ខជនមិនអាចទាយដឹងជាមុនបានទេនូវប្រភេទហ្គេមដែលត្រូវប្រកួតនៅវគ្គបន្ទាប់ ប៉ុន្តែការពិត ប្រភេទហ្គេមមទាំងអស់ នៅចំពោះមុខពួកគេនោះឯង តែគ្មានអ្នកចាប់អារម្មណ៍។
រូបភាពនៅលើជញ្ជាំងបន្ទប់សម្រាក ពណ៌នាទាំងអស់អំពីហ្គេមទាំង៦ ចាប់ពី Green Light Red Light រហូតដល់ការប្រកួតចុងក្រោយ។
គំនូរលើជញ្ជាំងបានលាក់នៅពីក្រោយគ្រែពួកគេ ទាល់តែបេក្ខជនស្លាប់អស់ ហើយគ្រែត្រូវបានរើចេញ ទើបរូបភាពនៃហ្គេមនីមួយៗបានបង្ហាញ។
ចំណែកប្រិយមិត្តដែលទស្សនា Squide Game រួចហើយ បានឃើញកំហុសឆ្គងផ្សេងទៀតដែរទេ?
ប្រែសម្រួល៖ សន្យា
ចុចអាន៖ ការពិតគួរឱ្យភ្ញាក់ផ្អើល ពីក្រោយភាពល្បីល្បាញនៃភាពយន្ត “Squid Game”
ចុចអាន៖ មេរៀនជីវិតដ៏សំខាន់ពីផលិតករភាពយន្ត “Squid Game” គ្រប់គ្នាគួររៀនសូត្រ
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ