Connect with us

ជីវិតកម្សាន្ដ

មាស នីតា៖ ក្តីស្រមៃរបស់ខ្ញុំពេលនេះបានក្លាយជាការពិតទាំងអស់

បានផុស

នៅ

តារាចម្រៀង និងជាអតីតបេក្ខភាពកម្មវិធីប្រឡងចម្រៀងលំដាប់ថ្នាក់ពិភពលោក កញ្ញា មាស  នីតា ថ្វីត្បិតមិនអាចក្តាប់បានឱកាសក្លាយជាម្ចាស់ពានក៏ពិតមែន តែបច្ចុប្បន្ន នី​តា គឺមាន​ទីផ្សារ​ការងារច្រើនគួរសម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះដែរ កញ្ញា មាស នីតា ស្រាប់តែប្រកាសថា ពេលនេះក្តីស្រម៉ៃរបស់នាងបានក្លាយជាការពិតហើយ។ តួយ៉ាងបង្ហោះរូបភាពជាច្រើនសន្លឹកអំឡុងពេលដែលឡើងឆាកជាមួយតារាចម្រៀងលោក ណុប បាយ៉ារិទ្ធ កញ្ញា មាស នីតា បានរៀបរាប់ថា ក្តីស្រម៉ៃរបស់ខ្ញុំពេលនេះបានក្លាយជាការពិតទាំងអស់។ ខ្លួននៅតូច តែក្តីស្រម៉ៃធំ គិតថាចង់ក្លាយជាអ្នកចម្រៀង ដែលមានបងប្អូនស្គាល់ និងស្រលាញ់ចូលចិត្តច្រេីនហេីយការស្រម៉ៃមួយទៀតនោះ គឺធ្លាប់តែមេីលរៀមច្បងច្រៀង គិតថាខ្លួននឹងអាចច្រៀងឆ្លងឆ្លេីយ ដល់ឥឡូវនេះគ្រប់យ៉ាងជាការពិតទាំងអស់ដោយខ្ញុំមិនបានស្រម៉ៃទៀតទេ។

កញ្ញា មាស នីតា បន្តទៀតថា ខ្លួនក៏មិនមែនចេះតែស្រម៉ៃ ហេីយវាបានមកដោយងាយនោះទេបេីយេីងមិនខិតខំប្រឹងដោយខ្លួនឯងទម្រាំតែមកដល់ចំណុចនេះ គឺមិនស្រួលទេសម្រាប់នាងទេ។ នីតា បន្ថែមថា អរគុណការមេីលងាយជាន់ពន្លិចខ្ញុំទាំងទ្បាយដែលរុញអោយខ្ញុំឈរនៅចំណុចដ៏អស្ចារ្យមួយនេះ ខ្ញុំអរគុណនៅទឹកចិត្តបងប្អូនទាំងអស់គ្នាដែលមានសម្រាប់ខ្ញុំគ្រប់វិនាទីទាំងអស់។

សូមជម្រាបដែរថា បើតាមការកត់សម្គាល់នាអំឡុងមួយ​រយៈ​ចុង​ក្រោយនេះ ពោលគឺចាប់តាំងពីបញ្ចប់ការប្រឡងមកកញ្ញា ពៅ ស្រី​មាស ហៅ​ មាស នី​តា គឺទទួលបានទីផ្សាការងារច្រើនទាំងការឡើកឆាកតន្រ្តី និងថតសម្អាងការជាបន្តបន្ទាប់។ម្យ៉ាងទៀតរាល់ការស្លៀកពាក់គ្រងឈុតកូនក្រមុំរបស់ មាស នីតា មើលទៅពិតជាស្អាតប្លែកភ្នែក និងទទួលបានការ​កោត​សរសើរច្រើនពីសំណាក់មហាជននិងអ្នកគាំទ្រ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម