ក្រោយចប់ពាក្យចចាមអារ៉ាមរឿងស្លាប់ ពេលនេះ Kwan បង្ហើបចង់ឈប់ពីសិល្បៈ

តារាសម្ដែងស្រី Kwan Usamanee បង្ហើបនៅក្នុងកម្មវិធី WOODY FM កាលពីពេលថ្មីៗកន្លងទៅថា រយៈពេលប៉ុន្មានឆ្នាំខាងមុខនេះ នាងនឹងដកខ្លួនចេញពីវិស័យសិល្បៈ ហើយចង់សាង​គ្រួសារដ៏កក់ក្ដៅមួយ។

និយាយនៅក្នុងបទសម្ភាសន៍ Kwan បានទម្លាយឱ្យដឹងថា នាងកំពុងត្រៀមលាចេញពីសិល្បៈក្នុងរវាង ៥ឆ្នាំខាងមុខ បើទោះបីអាជីពនេះជាការងារដែលនាងស្រឡាញ់ខ្លាំងតាំងតូចមកក្ដី។ នៅពេលសួរដល់រឿងរៀបការ ក្រោយឈប់ពីឧស្សាហកម្មថៃ តារាស្រីវ័យ ៣៤ឆ្នាំរូបនេះ តបថា បើសិនជាអាច នាងនឹងរៀបការ សាងគ្រួសារមួយ ដែលមានកូននិងប៉ាម៉ាក់ រស់នៅប្រកបដោយសុភមង្គល។ ទោះយ៉ាងណា នៅពេលសួរដល់បុរសជាគូអនាគត Kwan មិននិយាយអ្វីច្រើនឡើយ តែនាងប្រាប់ថា នាងមានមនុស្សនៅក្នុងចិត្តហើយ។

ក្រោយពីឮបទសម្ភាសន៍មួយនេះ មហាជនជាច្រើនសង្ស័យថា Kwan កំពុងមានទំនាក់ទំនងស្នេហាស្ងាត់ៗ​ជាមួយបុរសមានទ្រព្យធន ហើយនាងនិងគូស្នេហ៍អាចនឹងចូលរោងការឆាប់ៗផងដែរ៕

ប្រែសម្រួល៖ សន្យា

ចុចអាន៖ ប្រវត្តិរបស់ Kwan តស៊ូសម្ដែងតាំងពីតួជំនួស រហូតក្លាយជាកំពូលតារាប្រចាំប្រទេស

ចុចអាន៖ Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ