ទោះបីទៅដល់ស្រុកគេ ខាត់ សុឃីម នៅតែគេចមិនផុតពីការមើលងាយ និងរិះគន់

តារាពហុជំនាញអ្នកនាង ខាត់ សុឃីម បច្ចុប្បន្នត្រូវបានទស្សនិកជនដឹងគ្រប់គ្នាថាអ្នកនាង និងស្វាមីព្រមទាំងក្រុមគ្រួសារកំពុងមានវត្តមានជួបជុំគ្នានៅលើទឹកដីប្រទេសសម្បូរដុល្លារសហរដ្ឋអាមេរិកយ៉ាងរីករាយ។ ក្នុងដំណើរលើកដំបូងរបស់ ខាត់ សុឃីម គឺដើម្បីចម្រៀងសម្តែង និងសួរសុខទុក្ខអ្នកម្តាយ។

អំឡុងពេលកំពុងស្នាក់នៅសហរដ្ឋអាមេរិកនេះដែរ តារាស្រីអ្នកនាង ខាត់ សុឃីម បានធ្វើឲ្យអ្នកគាំទ្រ និងបងប្អូនអាណិកជនខ្មែរមួយចំនួនដែលរស់នៅទីនោះសប្បាយរីករាយ ជាមួយការបង្ហាញវត្តមានឡើងឆាកប្រគុំតន្រ្តីចម្រៀង-សម្តែង។ ប៉ុន្តែអំឡុងពេលកំពុងស្នាក់នៅលើទឹកដីអាមេរិកស្រាប់តែតារាពហុជំនាញរូបនេះសម្តែងការមិនសប្បាយចិត្តចំពោះរឿងមួយដែលត្រូវគេមាក់ងាយ និងរិះគន់។

តារាចម្រៀងអ្នកនាង ខាត់ សុឃីម បាននិយាយទាំងហួសចិត្តថា មានលុយមកដើរលេងស្រុកគេហើយ នៅគេមើល​ងាយទៀត មិនដែលស្គាល់គេក៏គេអាចយករឿងយើងមកនិយាយយ៉ាងសប្បាយ។ យី….!បងអើយប្អូនកូនអ្នកក្រតែមានសតិគ្រប់គ្រាន់ មិនព្យាយាមជាន់អ្នកណាទេ(បើខ្ញុំតបទៅវាដូចជាជួយ តភាគអោយគាត់)គិតសិនព្រោះគាត់មើលងាយគ្រួសារខ្ញុំខ្លាំងណាស់។

ជាមួយសំណេររបស់អ្នកនាង ខាត់ សុឃីម នេះដែរក៏ស្រាប់តែមានគណនីហ្វេសប៊ុកមួយបានបញ្ចេញទស្សន:ថាគាត់ថាបងមេីលងាយជនជាតិស្បែកខ្មៅ ។ ភ្លាមៗនៃខមមិននេះអ្នកនាង ខាត់ សុឃីម បានឆ្លើយវិញថា បងអោយគាត់បង្ហាញឃ្លីបមក។ ដោយឡែកសម្រាប់ប្អូនស្រីអ្នកនាង ខាត់ សុឃីម ដែលប្រើគណនីហ្វេសប៊ុកឈ្មោះ Khat Sousdey បានបញ្ចេញមតិថា អ្នកមើលងាយហ្នឹងគាត់អត់មានការងារអីធ្វើទេចែ បានគាត់ចេះតែរកនឹកទៅ ព្រោះគាត់អផ្សុក បើមានការងាររវល់ដូចចែមានពេលណាមកគិតរឿងគេ (ក្ដៅតើ)។

សូមជម្រាបដែរថា ក្នុងដំណើរកម្សាន្តនោះតារាពហុជំនាញ ខាត់ សុឃីម ក៏ត្រូវបានអញ្ចើញដើម្បីបង្ហាញនូវការច្រៀងសម្តែងតាមប្រទេសផ្សេងៗគ្នាគ្រាន់តែទៅដល់អាមេរិកភ្លាម។ បើតាមប្រភពព័ត៌មានឲ្យដឹងថា អ្នកនាង ខាត់ សុឃីម អាចនឹងត្រូវបំពេញការងារសម្តែងរហូតប្រទេស៣ផ្សេងទៀតតាមផែនការគ្រោងទុក។ ចំណែកសហរដ្ឋអាមេរិក ខាត់ សុឃីម គឺបានចេញសម្តែងតាមរដ្ឋនានា និងដើរកម្សាន្តជួបបងប្អូននិងអ្នកម្តាយព្រងទាំងអាណិកជនខ្មែររស់នៅទីនោះ៕

អត្ថបទ៖ ចាន់រ៉ា