ជីវិតកម្សាន្ដ

តួឯកស្រីរឿង “លួចស្នេហ៍លោកប្ដី” ថតជាមួយព្រះអង្គម្ចាស់ប្រ៊ុយណេ បង្កការចាប់អារម្មណ៍

បានផុស

៤ years មុន

នៅ

ថ្ងៃសៅរ៍ ១៥ តុលា ២០២២

ដោយ

Mew Nittha ដែលជាតួឯកស្រីក្នុងរឿង “លួចស្នេហ៍លោកប្ដី ឬ My Husband In Law” បានថតរូបជាមួយព្រះអង្គម្ចាស់ប្រ៊ុយណេ កំពុងតែបង្កការចាប់អារម្មណ៍ខ្លាំង ពីសំណាក់មហាជន។

តាមរយៈរូបភាពដែល Mew Nittha បានបង្ហោះនៅលើបណ្ដាញសង្គម Instagram ផ្ទាល់ខ្លួននាង ធ្វើឲ្យមហាជនជាច្រើនមានការចាប់អារម្មណ៍ជាខ្លាំង។ លើសនេះ ក្នុងរូបភាពដែលនាងបង្ហោះ មិនមែនមានតែ Mew ទេ ដែលថតរូបស្និទ្ធស្នាលជាមួយព្រះអង្គម្ចាស់ Abdul Mateen សូម្បីតែស្វាមីហៃសូរបស់នាង ក៏មានមានឱកាសបានថតរូបជុំគ្នាជាមួយទ្រង់ដែរ។

ទន្ទឹមនោះ Mew ក៏ទទួលបានការកោតសរសើរខ្លាំងៗ ពេលដែលនាងបានឈរជិតព្រះអង្គម្ចាស់នៃប្រទេសប្រ៊ុយណេ ហើយមានមនុស្សជាច្រើនបានចូលមកចុច Like និង share គាំទ្រចំពោះរូបភាពដ៏កម្រនេះ ខណៈព្រះអង្គម្ចាស់ Abdul Mateen គឺជាព្រះអង្គម្ចាស់សំណព្វរបស់ពិភពលោក ដែលមានអ្នកតាមដានជាង ២.៣ លាននាក់នៅលើ Instagram របស់ទ្រង់។

សូមបញ្ជាក់ថាតារាសម្ដែង Mew Nittha និងស្វាមី បានជិះយន្តហោះទៅទស្សនាការប្រកួតនៅ Singapore F1 ហើយបានជួបជាមួយព្រះអង្គម្ចាស់ Abdul Mateen និងថែមទាំងថតរូបជុំគ្នាថែមទៀត។ ប៉ុន្តែបរិយាកាសនៃរូបភាព គឺមិនមែនស្វាមី Mew តែម្នាក់ៗផ្ដោតអារម្មណ៍លើព្រះអង្គម្ចាស់ប្រ៊ុយណេ និងតួឯកស្រីរឿង “លួចស្នេហ៍លោកប្ដីទៅវិញ ៕

ប្រែសម្រួល៖ សាង ស្រីល័ក្ខ

ចុចអាន៖មហាជនស្រឡាំងកាំងសម្រស់ Bella ក្រោយតុបតែងជាព្រះនាងសែនស្អាត

ចុចអាន៖រៀមច្បង Anne Thongprasom បង្ហាញខ្លួនក្នុងរូបរាងថ្មី ប្លែកភ្នែកមហាជន (មានវីដេអូ)