ជីវិតកម្សាន្ដ

Pooklook ទម្លាយចរិតពិត Aum Patcharapa ពេលនៅក្រៅឆាកសម្ដែង

បានផុស

៤ years មុន

នៅ

ថ្ងៃអាទិត្យ ២៣ តុលា ២០២២

ដោយ

តួឯកស្រីក្នុងរឿង “វិមានផ្កាឈូក” Pooklook បានបើកកកាយពីអត្តចរិតពិតរបស់តារាសម្ដែងជួរមុខ Aum Patcharapa នៅក្រៅឆាកថា តាមពិតនាងចូលចិត្តជួយអ្នកដទៃណាស់ តែមិនបង្ហោះជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាសម្ដែង Pooklook បាននិយាយយ៉ាងដូច្នោះថា “ថ្ងៃនេះខ្ញុំចង់ចេញមកប្រាប់ការពិតថាបង Aum គឺជាមនុស្សល្អ គាត់តែងជួយអ្នកដទៃ មិនគិតគុណស្រ័យ។ ជាក់ស្ដែងកាលពីថ្ងៃដែលខ្ញុំទៅក្រៅប្រទេសជាមួយគាត់ និងបានញ៉ាំអាហារប្រណីតថ្លៃៗ។ ខ្ញុំសួរគាត់ថា តើខ្ញុំអាចចំណាយលុយក្នុងពេលធ្វើដំណើរប៉ុន្មាន? គាត់ថាមិនអីទេ! តោះទៅដើរលេងសិនមុននឹងគិតពីវា។ ពេលត្រឡប់មកវិញ ខ្ញុំសួរថាអស់ប៉ុន្មាន ហើយខ្ញុំនឹងផ្ទេរលុយទាំងអស់មកឲ្យគាត់ តែ គាត់ថា អូ អត់ទេ!

លើសពីនេះមួយទៀតបង Aum បានប្រាប់បងស្រី Yui ឲ្យផ្ទេរប្រាក់មិនដាក់ឈ្មោះ ដូច្នេះ Aum ផ្ទេរលុយទៅជួយដោយមិនប្រើគណនីរបស់ Aum ប៉ុន្តែជាគណនីមួយ។ ខ្ញុំក៏សួរបង Yui ថា បង Yui ហេតុអ្វីបង Aum គួរឲ្យស្រលាញ់ម្លេះ? ជួយមនុស្សដោយអនាមិក បង Yui ក៏ថា Aum គឺបែបនេះ គាត់មានចិត្តអាណិតអាសូរ ហើយតែងតែចូលចិត្តជួយអ្នកដទៃយូរណាស់មកហើយ។

តារាសម្ដែងរូបនេះ បានបន្ថែមទៀតថា “បង Aum តែងតែនៅទីនោះដើម្បីជួយអ្នកដទៃ។ ការជួយអ្នកដទៃមានទម្រង់ជាច្រើន។ គាត់មិនដែលរាប់ចំនួនដែលជួយគេ ប៉ុន្តែវាគឺជាបេះដូងដែលគាត់អាណិត និងស្រឡាញ់អ្នកដទៃដោយមិនបើកចំហ។ ប៉ុន្តែយើងមិនបានឃើញថា គាត់ធ្វើនោះទេ។ មិនមែនមានន័យថា គាត់មិនបានធ្វើអំពើល្អនោះទេ។ កុំវាយតម្លៃមនុស្សតាមគំនិតរបស់យើង ខ្ញុំស្រឡាញ់បង Aum ហើយជឿថាប្រជាជនថៃទាំងមូល ក៏ស្រឡាញ់អ្នកដូចខ្ញុំដែរ។”

សូមបញ្ចាក់ដែរថា Pooklook និង Aum Patcharapa គឺជាតារាស្រីប្រចាំប៉ុស្តិ៍លេខ ៧ ដែលប្រឡូកក្នុងវិស័យសិល្បៈជាយូរណាស់មកហើយ ខណៈអ្នកទាំងពីរត្រូវបានមហាជនដឹងថា ជាមនុស្សជិតស្និទ្ធគ្នាខ្លាំង៕