សាពូន មីដាដា រន្ធត់ចិត្តអាណិតអតីតភរិយា ដែលបាត់បង់ម្តាយជាទីស្រលាញ់

តារាចម្រៀងលោក សាពូន មីដាដា បានបង្ហាញអារម្មណ៍ក្តុកក្តួល និងរន្ធត់ចិត្តខ្លាំងក្រោយទទួលដំណឹងមរណភាពអតីតម្តាយក្មេក គឺអ្នកម្តាយអ្នកនាង សឿ សុធារ៉ា ។

ខ្លឹមសារដែលតារាចម្រៀង សាពូន មីដាដា បង្ហោះភ្ជាប់នឹងរូបភាពកាន់ទុក្ខបាននិយាយថា មហាសែនអាណិតអតីតភរិយាខ្ញុំ អំពើល្អ សុច្ចរិត សប្បុរសចំពោះមនុស្សជុំវិញខ្លួន ភាពកត្តញ្ញូចំពោះឪពុកម្តាយនឹងបណ្តាលឲ្យប្អូនជួបតែក្តីសុខសាន្តពេញមួយឆាកជីវិត។

លោក សាពូន មីដាដា បានបន្តថា ព្រះពុទ្ធត្រាស់សម្តែងថា សត្វលោកមានកម្មជាផៅពង្សមានកម្មជាទាយាទលោកិយ៍នេះទៀង និងសេចក្តីស្លាប់ កើតមកហើយក៏តាំងនៅមួយរយ:ហើយក៏រលត់ទៅវិញជាធម្មតា សូមអ្នកម្តាយក្មេក ទៅចាប់បដិសណ្ឋិនាឋានបរមសុខកុំបីឃ្លៀងឃ្លាតឡើយ ។

សូមបញ្ជាក់ថា តារាសម្តែងអ្នកនាង សឿ សុធារ៉ា និងក្រុមគ្រួសារកាលពីថ្មីៗនេះ បានជួបទុក្ខដ៏ក្រៀមក្រំ និងសោកសៅជាទីបំផុត ខណ:ដែលអ្នកម្តាយជាទីស្រលាញ់របស់នាងបានទទួលមរណភាពទាំងអាល័យ។ ម្តាយរបស់អ្នកនាង សឿ សុធារ៉ា បានស្លាប់នៅវេលាម៉ោង១១និង៤១នាទីយប់ថ្ងៃទី២៨ ខែតុលា ឆ្នាំ២០២២៕

អត្ថបទ៖ ចាន់រ៉ា