Connect with us

ជីវិតកម្សាន្ដ

ត្រឹមតែ២ឆ្នាំ ខាត់ សុឃីម បាត់បង់មនុស្សជាទីស្រ លាញ់២រូបក្នុងគ្រួសារ

បានផុស

នៅ

គិតមកត្រឹមបំណាច់ឆ្នាំ២០២២នេះ តារាចម្រៀងពហុជំនាញអ្នកនាង ខាត់ សុឃីម និងក្រុមគ្រួសារត្រូវបានបាត់បង់មនុស្សសំខាន់ចំនួនពីររូបចេញពីសមាជិកគ្រួសារដោយក្តីអាល័យ និងក្តុកក្តួលជាពន់ពេក។ ខណ:ពេលនេះនាងនិងគ្រួសារកំពុងកាន់ទុក្ខតារាកំប្លែងលោក ខាត់ ចំរើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះដំណឹងមរណភាពរបស់លោក ខាត់ ចំរើន ពេលនេះបានធ្វើឲ្យមហាជន និងអ្នកសិល្ប:រួមអាជីពជាច្រើនសម្តែងការចូលរួមសោកស្តាយ និងរំលែកទុក្ខដ៏សោកសៅនេះជាមួយអ្នកនាង ខាត់ សុឃីម និងក្រុមគ្រួសារ។ ខណ:មានមិត្តភក្តិសិល្ប:ឯទៀតក៏បានចូលរួមដោយផ្ទាល់ផងដែរ។

យ៉ាងមិញមហាជនបានកត់សម្គាល់ និងសម្តែងក្តីរន្ធត់ចិត្តខ្លាំងព្រោះត្រឹមតែរយ:ពេលប្រមាណជាង២ឆ្នាំប៉ុណ្ណោះតារាស្រីពហុជំនាញអ្នកនាង ខាត់ សុឃីម និងក្រុមគ្រួសារត្រូវបាត់បង់មនុស្សជាទីស្រលាញ់២រូបនៅក្នុងគ្រួសារ។ បុគ្គលសំខាន់ទាំង២នាក់នោះរួមមាន លោកឪពុក និងប្អូនប្រុសជាទីស្រលាញ់របស់នាងដូចខាងក្រោម៖

១.លោក លាវ ខាត់ ត្រូវជាឪពុកបង្កើតរបស់អ្នកនាង ខាត់ សុឃីម ទទួលមរណភាពនៅយប់ថ្ងៃទី២១ ខែមិថុនា ឆ្នាំ​២០២០ កន្លងទៅ ក្នុងជន្មាយុ៦៧ឆ្នាំដោយសាជំងឺលើសឈាម។ ភ្លាមៗនៃដំណឹងមរណភាពនេះដែរ គឺមានមហាជននិងអ្នកសិល្បៈរួមអាជីពជាច្រើនបានសម្តែងការសោកស្តាយ និងចូលរួមរំលែកទុក្ខដ៏ក្រៀមក្រំនេះ។

២.តារាកំប្លែង និងចម្រៀងលោក ខាត់ ចំរើន ដែលជាកូនបង្កើតរបស់លោកតា លាវ ខាត់ និងជាប្អូនអ្នកនាង ខាត់ សុឃីម បានទទួលមរណភាពកាលពីព្រឹកថ្ងៃទី២០ ខែវិច្ឆិកា ឆ្នាំ២០២២ក្នុងវ័យ៤០ឆ្នាំដោយសារជំងឺក្រិនថ្លើម បេះដូង​ និងក្រលៀន។ តាមរយ:ដំណឹងមរណភាពតារាកំប្លែងលោក ខាត់ ចំរើន នេះគេឃើញមានអ្នកគាំទ្រព្រមទាំងសិល្បករ-សិ ល្បការិនីជាច្រើនបានសម្តែងការសោកស្តាយចំពោះការបាត់បង់ធន់ធានសិល្បករដ៏មានប្រជាប្រិយភាពនិងទេពកោសល្យផ្នែកសិល្ប:ស្ទើរគ្រប់ជំនាញ៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម