ជីវិតកម្សាន្ដ

បវរកញ្ញា លន់ គឹមហេង ដណ្ដើមបានជយលាភីលំដាប់រងទី ២ និងពានរង្វាន់ ៥ ពីលើឆាកអន្តរជាតិ

បានផុស

២ years មុន

នៅ

ថ្ងៃចន្ទ ១២ ធ្នូ ២០២២

ដោយ

អ្នកគាំទ្របង្ហាញក្ដីរំភើប និងចូលរួមអបអរចំពោះបវរកញ្ញាតំណាងឲ្យកម្ពុជា កញ្ញា លន់ គឹមហេង ដែលទទួលបានជយលាភីលំដាប់រងទី ២ នៃ Mister & Miss Asian International ឆ្នាំ ២០២២ ព្រមទាំងអាចដណ្ដើមបានពានរង្វាន់ចំនួន ៥ ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ក្នុងវគ្គផ្ដាច់ព្រ័ត្រ នៃការប្រកួតសម្រស់កញ្ញាឯក Mister &Miss Asian International ឆ្នាំ ២០២២ រៀបចំឡើងនៅប្រទេសម៉ាឡេស៊ីកាលពីយប់មិញ បានបញ្ចប់ទៅយ៉ាងរលូន ដោយរកឃើញម្ចាស់ជយលាភីគ្រង់មកុដប្រចាំឆ្នាំ។ ចំណែកបវរកញ្ញាតំណាងឲ្យកម្ពុជា គឺស្រីស្អាត លន់ គឹមហេង ធ្វើឲ្យទស្សនិកជនមានមោទនភាពគ្រប់គ្នាសម្រាប់បវរកញ្ញាកម្ពុជារូបនេះ ដែលសាងបានភាពលេចធ្លោជាថ្មីនៅលើឆាកអន្តរជាតិ អាចឈ្នះមកុដលំដាប់រងទី ២ និងដណ្ដើមបានពានរង្វាន់ចំនួន ៥ ថែមទៀត។

ចំពោះពានរង្វាន់ចំនួន ៥ ដែលបេក្ខភាពបវរកញ្ញាកម្ពុជាកញ្ញា លន់ គឹមហេង ដណ្តើមបានពីការប្រកួតលើឆាកអន្តរជាតិនោះរួមមាន ៖ Miss Sasha F actor Award, Best in Evening Wear Aw ard, Layar Style Concept Stare, First R unner Up Miss Beauty Body, First Runn er Up Best in National Custom។

ជ័យជំនះនេះ បានធ្វើឲ្យមហាជន និងអ្នកគាំទ្រនៅកម្ពុជា សម្ដែងនូវអារម្មណ៍រំភើប និងបង្ហាញមោទកភាពខ្លាំងលើបវរកញ្ញាដ៏លេចធ្លោរូបនេះ។

សូមជម្រាបដែរថា កាលពីយប់ថ្ងៃទី ១១ ខែធ្នូ ឆ្នាំ ២០២២ កម្មវិធីប្រកួតសម្រស់កញ្ញាឯក Mister & Miss Asian International ឆ្នាំ ២០២២ ដែលរៀបចំឡើងនៅប្រទេសម៉ាឡេស៊ី បានឈានដល់វគ្គផ្ដាច់ព្រ័ត្រយ៉ាងរលូន និងបានរកឃើញម្ចាស់ជយលាភីគ្រង់មកុដប្រចាំឆ្នាំហើយ៕

អត្ថបទ ៖ ចាន់រ៉ា