អាយុ ៤១ឆ្នាំហើយ ហ្វាន ពីងពីង អត់ចេះចាស់សោះ អ្នកមិនដឹងស្មានតែក្មេងម្ភៃប្លាយ

ទោះបីឆ្នាំនេះ ឈានដល់អាយុ ៤១ឆ្នាំហើយក្ដី ប៉ុន្តែតារាសម្ដែងចិន​ ហ្វាន ពីងពីង (Fan Bingbing) នៅតែរក្សាសម្រស់ស្រស់ស្អាត ក្មេងជាងវ័យមិនប្រួលប្រែ មើលយ៉ាងណាក៏មិនឃើញចាស់ដែរ។

ហ្វាន ពីងពីង ​ជាតារាសម្ដែង និងបង្ហាញម៉ូដនៃឧស្សាហកម្ម​កម្សាន្ត​របស់​ប្រទេស​ចិន​ជាច្រើនឆ្នាំមកហើយ មិនថារូបរាង មុខមាត់ ​សមត្ថភាព ឬប្រាក់ចំណូលនោះទេ នាងនៅតែឈរលើលំដាប់កំពូល ជាពិសេសក្នុងក្រសែភ្នែកទស្សនិកជន នាងគឺជារាជិនីមួយរូបដែលកម្រមានតារាស្រីស្រករណាវ៉ាផ្ដាច់នាងបានណាស់។

តួយ៉ាងកាលពីពេលថ្មីៗនេះ «ម្ចាស់ក្សត្រីសម្រស់» ហ្វាន ពីងពីង បានបង្ហោះរូបថត Selfie ដ៏ស្រស់ស្អាតជាច្រើនសន្លឹក នៅលើផេកផ្ទាល់ខ្លួនរបស់នាង បន្ទាប់ពីលាក់ខ្លួនអស់រយៈពេលជាយូរ។ ភ្លាមៗ​នោះ ការ​បង្ហោះ​របស់នាង​ទទួល​បាន​ការ​ចាប់​អារម្មណ៍ និង​ចុច Like ​ពី​អ្នក​ប្រើ​បណ្ដាញ​សង្គមយ៉ាងច្រើនកុះករ ព្រោះតែនៅក្នុងរូបថតទាំងនោះបានបង្ហាញពីសម្រស់មិនផ្លាស់ប្ដូររបស់នាង ក្នុងវ័យ ៤១ឆ្នាំ តែមើលទៅដូចក្មេងម្ភៃប្លាយ។

ក្នុងរូបថតថ្វីបើ ហ្វាន ពីងពីង លាបតែក្រែមបបូរមាត់បន្តិចពិតមែន ប៉ុន្តែផ្ទៃមុខរបស់នាងពិតជាសរលោងស្អាត គ្មានស្មាមជ្រីវជ្រួញ នៅតែធ្វើឲ្យទស្សនិកជនលង់ស្នេហ៍មិនតិចនាក់នោះទេ ហើយនាងក៏ត្រូវបានមហាជនសរសើរមិនដាច់ពីមាត់ថា ទាំងស្អាត និងគួរឲ្យស្រឡាញ់ផងដែរ។

ទស្សនារូបភាពច្រើនទៀតរបស់ ហ្វាន ពីងពីង!

ប្រែសម្រួល៖ សន្យា

ចុចអាន៖ ហ្វាន ពីងពីង វិលចូលសិល្បៈ សាងកេរ្តិ៍ឈ្មោះម្ដងទៀត ក្រោយរឿងអាស្រូវស្ងប់ស្ងាត់