ជីវិតកម្សាន្ដ

គឹម លីហ្សា សុំចិត្តមហាជន ក្រោយឃើញជីវិតមេតុងទីន អឿន ម៉ូលីកា ធ្លាក់ដល់ចំណុចសូន្យ

បានផុស

៣ years មុន

នៅ

ថ្ងៃព្រហស្បតិ៍ ២២ ធ្នូ ២០២២

ដោយ

តារាសម្ដែងអ្នកនាង គឹម លីហ្សា បន្ទាប់ពីឃើញមេតុងទីនអ្នកនាង អឿន ម៉ូលីកា ធ្លាក់ខ្លួនដល់ចំណុចសូន្យ និងត្រូវឃុំខ្លួនដាក់ពន្ធនាគារជាបណ្ដោះអាសន្ន កាលពីថ្មីៗនេះ ស្រាប់តែតារាស្រីរូបនេះ បានចេញមកស្នើសុំមហាជនកុំឲ្យមានការរិះគន់ ឬជេរប្រមាថបន្ថែមលើនាងដែលកំពុងទទួលនូវទង្វើរបស់ខ្លួនបានប្រព្រឹត្ត។

តារាសម្ដែងស្រី គឹម លីហ្សា បានបង្ហោះរូបថតអមដោយខ្លឹមសារថា រយលានអត្ថន័យ សីលធម៌ជាមនុស្ស និងក្នុងនាមជាខ្មែរដូចគ្នាផង បើឃើញគ្នាមានទុក្ខ ត្រឹមពាក្យលើកទឹកចិត្តម្នាក់បន្តិច ខ្ញុំជឿថា មិនធ្ងន់ធ្ងរទេ។ កាលដែលនិយាយនេះគឺមិនមែនគាំទ្រការបោកប្រាស់ និងគេចវេះពីបំណុលដែលគាត់ធ្វើខុសនោះទេ តែអ្នកដែលធ្លាប់ដើរដល់ចំណុចសូន្យទើបយល់អារម្មណ៍មួយនេះ ត្រូវការបំផុតគឺពាក្យលើកទឹកចិត្តពីគ្រួសារ ឬពីមនុស្សជុំវិញខ្លួន។

តារាស្រីរូបនេះបន្ថែមទៀតថា អាណិតក្មេងណាស់ អត់ដឹងខ្យល់អីទេ។ រឿងមានហេតុ បំណុលមានម្ចាស់ ម្នាក់ៗមិនមែនជាទេវតាទេ រៀនរស់ដោយក្ដីសុខ ការប្រមាថ និងទិតៀន មិនមែនជាមនុស្សថ្លៃថ្នូរធ្វើទេ។

គួរបញ្ជាក់ថា មេតុងទីនដ៏ល្បីឈ្មោះ និងជាអតីតតារាចម្រៀងចូលចិត្តសម្ញែងភាពហាយសូរអ្នកនាង អឿន ម៉ូលីកា កាលពីល្ងាចថ្ងៃទី ១៨ ខែធ្នូ ឆ្នាំ ២០២២ ត្រូវបានលោកស្រី ទិត ដាលីន ចៅក្រមស៊ើបសួរសាលាដំបូងរាជធានីភ្នំពេញ សម្រេចចេញដីកាឃុំខ្លួនដាក់ពន្ធនាគារជាបណ្ដោះអាសន្ន។

ចំពោះការឃុំខ្លួនដាក់ពន្ធនាគារជាបណ្ដោះអាសន្ននេះ ក្រោមការចោទប្រកាន់ពីបទរំលោភលើទំនុកចិត្តមិនបំពេញកាតព្វកិច្ចចំពោះឧបករណ៍អាចជួញដូរបាន ពោលគឺចេញមូលប្បទានប័ត្រអត់សាច់ប្រាក់(សែកស្អុយ) ប្រមាណ ៣៦ ៥០០០ ដុល្លារ។ ជនត្រូវចោទឈ្មោះ អឿន ម៉ូលីកា ភេទស្រី អាយុ ២៧ ឆ្នាំ មុខរបរជាអ្នករកស៊ី មានទីលំនៅផ្ទះលេខ ១០ ផ្លូវលេខ បុរីវ៉ារីណា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ៕

អត្ថបទ ៖ ចាន់រ៉ា