ជីវិតកម្សាន្ដ

មហាជនភ្ញាក់ផ្អើល ក្រោយឃើញ Nadech កោរសក់ សុំឲ្យបុត្រីច្បងស្ដេចថៃជាសះស្បើយ

បានផុស

៣ years មុន

នៅ

ថ្ងៃចន្ទ ២៦ ធ្នូ ២០២២

ដោយ

បណ្ដាញអ៉ិនធើណេតកំពុងសម្រុកចែករំលែករូបភាព Nadech Kugimiya កោរសក់បួសជាព្រះសង្ឃ ដើម្បីបួងសួងដល់ព្រះនាង Bajrakitiyabha ឆាប់ជាសះស្បើយពីរោគាឆាប់ៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាដំណឹងដែលធ្វើឲ្យមនុស្សជាច្រើនចាប់អារម្មណ៍ បន្ទាប់ពីមានទំព័រល្បីមួយបានលាតត្រដាងថា តារាសម្ដែងល្បី Nadech Kugimiya បានចូលក្នុងពិធីបូជាព្រះបរមរតនកោដ្ឋ ដើម្បីកោរសក់បួសសុំបួងសួងឲ្យព្រះនាងBajrakitiyabha បានធូរស្រាលពីជំងឺ។ ទំព័រដដែលនេះក៏បានបង្ហោះរូបភាព Nadech ខណៈពេលកំពុងកោរសក់ ហើយបានសរសេរថា “Nadech កោរសក់ថ្វាយបង្គំថ្វាយដល់ព្រះនាង Bajrakitiyabha Narendira Debyavati សូមឲ្យព្រះនាងបានជាសះស្បើយឆាប់ៗ សូមឲ្យបុណ្យកុសលនេះបានសម្រេចដល់ទ្រង់”។

បន្ទាប់ពីរូបភាពត្រូវបានចែកចាយ ក្នុងនោះអ្នកលេងអ៊ីនធឺណិតចូលមកបញ្ចេញមតិសរសើរដល់ទៅជិត១ម៉ឺន comment ហើយបានចែករំលែកការបង្ហោះនេះច្រើនជាង ២.៥ពាន់ដងឯណោះ។

ទោះយ៉ាងណា ក៏មានភាគីម្ខាងទៀតបញ្ជាក់ពីការពិតថា ប្រកាសនេះគឺជាព័ត៌មានក្លែងក្លាយ។ ដោយសារតែរូបភាពខាងលើ គឺជារូបភាពចាស់កាលដែល Nadech បានបួសសងគុណឪពុកម្ដាយកាលពីថ្ងៃទី ០១ខែធ្នូ ឆ្នាំ២០១៥។ ជាក់ស្ដែងលោកទើបតែរៀបចំដំណើរកម្សាន្តដ៏ផ្អែមល្ហែមជាមួយមិត្តស្រីក្នុងឱកាសបុណ្យណូអែលជាមួយគ្រួសារ និងបានបង្ហោះរូបភាពចុងក្រោយនៅលើ Instagram នាថ្ងៃទី២៤ ខែធ្នូ ឆ្នាំ ២០២២ នេះទេ៕