Nadech ទម្លាយមនុស្សនៅពីក្រោយចំណងស្នេហ៍រឹងមាំជាមួយ Yaya ឈានដល់ ១២ ឆ្នាំ

ស្នេហារយៈពេល ១២ ឆ្នាំរបស់តារាប្រុស Nadech Kugimaya បានបង្កការភ្ញាក់ផ្អើលយ៉ាងខ្លាំងដល់មហាជនទូទាំងប្រទេសថៃ បន្ទាប់ពីលោកសុំមិត្តស្រី Yaya Urassaya រៀបការនៅ​ប្រទេស​អ៊ីតាលី​ដោយ​ជោគជ័យ។

ដោយឡែក​កាលពីពេលថ្មីៗ​នេះ Nadech បាន​បង្ហាញ​រូបភាព​​គ្រួសារ​ពីរ​ដែល​ជា​មេ​ធំ​និងជាបុគ្គលសំខាន់នៅពីក្រោយស្នេហា១២ឆ្នាំរបស់ពួកគេ។ តាមរយៈរូបភាពអង្គុយលើ​តុ​ដើម្បី​អបអរ​សាទរ​ជាមួយ​គ្នា​យ៉ាង​កក់ក្ដៅនិង​សាមញ្ញ រួម​នឹង​ការ​សរសេរ​សារ​ពី​ចិត្ត​ទៅ​កាន់អ្នកម្ដាយរបស់លោកនិងម្ដាយ Yaya ថា “ចាប់ពីថ្ងៃនោះដល់ថ្ងៃនេះ! អរគុណម៉ែ Pla និង ម៉ែ Kaew អ្នកទាំងពីរគឺជាមនុស្ស​នៅពីក្រោយការស្រលាញ់របស់ពួកយើង! ស្រលាញ់អ្នកម្តាយទាំងពីរខ្លាំងៗ”។

ភ្លាមៗនោះដែរ ​ម្ដាយរបស់ Nadech ចូលមក​បញ្ចេញ​យោបល់​លើ​កូន​ប្រុស​ជាទី​ស្រឡាញ់​វិញថា “ម៉ាក់ពេញចិត្ត និងគាំទ្រកូនខ្លាំងណាស់។ សូមនាំមកនូវសុភមង្គលនិងជោគជ័យដល់រូបកូន និងចិត្តដូចដែលកូនតែងតែមានបំណងធ្វើ។​ ពុកម៉ែ សូមជូនពរឲ្យជួបតែសំណាងល្អជារៀងរហូត។ ស្រលាញ់ណាស់ kugimiyas” ខណៈម្ដាយ Yaya ​ក៏បញ្ចេញមតិខ្លីថា​ Love you ៕

ប្រែសម្រួល៖ សាង ស្រីល័ក្ខ

ចុចអាន៖Chompoo ទម្លាយអារម្មណ៍ពិត ក្រោយមានគេរិះគន់ឈុតក្នុងកម្មវិធី Cannes