ជីវិតកម្សាន្ដ
Nadech បញ្ចាក់យ៉ាងច្បាស់ ពីមូលហេតុមិនអាចរៀបការជាមួយ YaYa ក្នុងឆ្នាំ ២០២៤
តារាសម្ដែងមាឌខ្ពស់ស្រឡះ Nadech Kugimiya បានផ្ដល់បទសម្ភាន៍មួយបញ្ចាក់យ៉ាងច្បាស់ អំពីពាក្យចចាមអារ៉ាមស្នេហាមិនល្អលើបណ្ដាញអ៉ិនធើណេត រវាងមិត្តស្រី Yaya Urassaya ហើយបង្ហើបពីគម្រោងរៀបការនៅឆ្នាំ២០២៥ មិនមែន ២០២៤នេះទេ។
ទស្សនិកជនដែលនិយមតាមដានពីគូស្នេហ៍តារាថៃរូបនេះ ប្រាកដជាដឹងថា អ្នកទាំងមានការងារមមារញឹករៀងៗខ្លួន ក្នុងពេលដែលអ្នកទាំងពីរនៅតែបន្តធ្វើការយ៉ាងលំបាកលំបិន រហូតអាចមិនមានពេលច្រើនក្នុងការបញ្ចេញរូបភាពគូស្នេហ៍ឲ្យអ្នកគាំទ្រតាមដានក្នុងអំឡុងពេលនេះដូចសព្វមួយដង។
ក្រោយមក គូស្នេហ៍តារាសម្ដែង Nadech Kugimiya និង Yaya Urassaya Sperbund ស្រាប់តែលេចចេញនូវពាក្យចចាមអារ៉ាមចុងក្រោយតាំងពីដើមឆ្នាំមកម្ល៉េះ។ តើពិតទេ ដែលភាពផ្អែមល្ហែមចាប់ផ្ដើមថយចុះ? រួមទាំងគម្រោងរៀបការ តើគេគ្រោងនៅដំណាក់កាលណាខ្លះ?
ទោះយ៉ាងនេះក្ដី ដើម្បីលុបពាក្យមិនល្អលើបណ្ដាញអ៉ិនធើណេត នាពេលថ្មីៗនេះ តារាប្រុសរូបនេះបានផ្តល់បទសម្ភាសន៍ទាក់ទងនឹងបញ្ហាមិនល្អរវាងគូស្នេហ៍ ហើយថែមទាំងបញ្ជាក់យ៉ាងច្បាស់ៗថា រពួកគេមិនបានបង្ហោះរូបរួមគ្នានៅលើ IG នោះ អ្នកផ្សេងទៀតប្រហែលជាគិតថា ហេតុអ្វីមិនបង្ហោះរូបជាមួយគ្នាញឹកញាប់ដូចពិមុន? ឬពួកគេថមថយក្ដីស្រលាញ់ឲ្យគ្នាហើយ? ប៉ុន្តែ តាមពិតទៅនៅខាងក្រៅ ពួកគេផ្អែមល្ហែមខ្លាំង ពេលខ្លះលោកប្រើ IG ដើម្បីបង្ហោះអំពីការងារ មិនមែនផ្ដោតលើរឿងស្នេហាមួយមុខនោះទេ។
លើសពីនេះ តួប្រុសក្នុងរឿង “ជំនោរលាក់ស្នេហ៍” បាននិយាយថា ផែនការអាពាហ៍ពិពាហ៍ប្រាកដណាស់មិនមែនឆ្នាំនេះទេ។ ដោយសារការងារ និងការត្រៀមរៀបចំជាច្រើន យើងត្រូវតែបន្តពិចារណា ប៉ុន្តែយើងមិនទាន់ប្រាកដ ១០០% ទេ។ វាជាចេតនាតាំងពីដើមមកថា នៅឆ្នាំ ២០២៤ យើងនឹងគ្រោង ប៉ុន្តែយ៉ាងណាវាច្បាស់ជាមិនអាចរៀបចំបានទាន់ពេលទេ។
ម្យ៉ាងវិញទៀត ក្នុងនោះលោកបាននិយាយបន្ថែមទៀតថា ចង់មានពេលអង្គុយរើសអ្វីគ្រប់យ៉ាងដោយខ្លួនឯងផ្ទាល់ ចង់ជ្រើសរើសព័ត៌មានលម្អិតណាមួយកាន់តែប្រសើរជាងមុន។ ចំណែកបញ្ហាចម្បង មិនមែនជាបញ្ហានៃពេលវេលាល្អនោះទេ។ ព្រោះវាគង់តែមកដល់ឆាប់ៗប៉ុណ្ណោះ ហើយឥលូវនេះលោកនិងគូស្នេហ៍អាចគ្រោងរៀបការនាឆ្នាំ២០២៥វិញ ដើម្បីកាន់តែមានពេលច្រើនគិតបានល្អជាងមុនផងដែរ។
សូមបញ្ចាក់ដែរថា គូស្នេហ៍នេះបានជួបគ្នាដំបូងក្នុងរឿង “Game Rai Game Rak “ ពេលនោះខាងប្រុសបានប្រើវិធីសុំលេខអ្នករាល់គ្នា រួមទាំង Yaya ដោយផ្ដើមដំបូងគឺការផ្ញើសារមកជូនពរគ្នារីករាយថ្ងៃកំណើត។ ក្រោយមកទើបអ្នកទាំងពីរផ្ដើមមានទំនាក់ទំនងស្នេហានឹងគ្នាជាសាធារណៈ ហើយគិតមកទល់ពេលនេះ វាមានរយៈពេល១២ឆ្នាំហើយ៕
អត្ថបទ៖ សាង ស្រីល័ក្ខ
ចុចអាន៖មិត្តប្រុសហៃសូ Aom Sushar បង្ហោះរូបជូនពរថ្ងៃកំណើតឲ្យមិត្តស្រីយ៉ាងផ្អែមល្ហែម
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង