បែកធ្លាយតារា​សម្ដែង​តៃវ៉ាន់នាង Annie Liu ដែលមានវ័យ ៤១ ឆ្នាំទៅហើយនោះ បានរៀបការជាមួយសង្សារក្មេងជាងខ្លួនកាលពីខែមុន ។

បុរសនោះមិនមែនជាបុគ្គលល្បីអ្វីនោះទេ គាត់ធ្វើការជាបុគ្គលិកការិយាល័យធម្មតា និងមានអាយុប្អូន Annie ប្រហែល ២ ទៅ ៣ ឆ្នាំប៉ុណ្ណោះ ហើយការរៀបការនេះក៏រៀបចំឡើងក្នុងលក្ខណៈតូចតាចផងដែរ ដោយមានការចូលរួមតែក្រុមគ្រួសាររបស់សាម៉ីខ្លួន មិនមានវត្តមានមិត្តភក្ដិ ឬអ្នកដទៃឡើយ ។

ជាមួយគ្នានេះដែរ Annie ​​ក៏បាន​បង្ហាញ​ពី​សុភមង្គលសម្រាប់​គូ​ជីវិតរបស់នា​ និង​អរគុណ​គ្រប់​គ្នា​ចំពោះ​ការ​ជូនពរ​ផងដែរ ។ ចំណែកក្រៅពីភាពជោគជ័យក្នុងជីវិតគូហើយ Annie ថែមទាំងទិញផ្ទះថ្មីដែលមានតម្លៃដល់ទៅ ២២.៥ លានដុល្លារហុងកុង មានទំហំ ២,១០០ ហ្វីតការ៉េ និងមានបន្ទប់ដល់ទៅ ៤ ឯណោះ ។ ពាក់ព័ន្ធនឹងបញ្ហានេះដែរ នាងបង្ហើបប្រាប់ថា ការទិញផ្ទះដ៏ល្អឥតខ្ចោះនេះ គឺជាការឆ្លៀតឱកាសទិញ ទាន់តម្លៃអចលទ្រព្យកំពុងធ្លាក់ចុះ ។ 

សូមរំឭកដែរថា កាលពីឆ្នាំ ២០២០ អ្នកគាំទ្រធ្លាប់មានការសង្ស័យលើ Annie ជាស្រី​ស្រឡាញ់ស្រី​ដូច​គ្នា បន្ទាប់ពីស្ត្រី​ជនជាតិ​កាណាដា​ម្នាក់បាន​បង្ហោះ​រៀបរាប់ពីទំនាក់ទំនងរបស់ពួកគេរយៈពេល ២ ឆ្នាំកន្លងមក ប៉ុន្តែរឿងនេះត្រូវ Annie ចេញមុខបដិសេធជាហូរហែផងដែរ ៕ 

ប្រែសម្រួលដោយ ៖ វារី

ចុចអាន ៖ Angelababy រងការរិះគន់ ក្រោយទៅទស្សនា ការប្រគំតន្ត្រី BLACKPINK