តារាសម្ដែងស្រីចិនដ៏ល្បី Angelababy កំពុងតែទទួលរងការរិះគន់យ៉ាងខ្លាំងពីអ្នកនិយមលេងអ៊ីនធឺណិតចិនចំពោះការទៅទស្សនាការប្រគំតន្ត្រីរបស់ក្រុមចម្រៀងនារី BLACKPINK ដែលបានធ្វើឡើងនៅទីក្រុងហុងកុង។

នៅថ្ងៃទី ១៣ ដល់ថ្ងៃទី ១៥ ខែមករា BLACKPINK បានសម្តែងនៅទីក្រុងហុងកុងជាផ្នែកមួយនៃការប្រគំតន្ត្រីទេសចរណ៍ពិភពលោក BORN PINK នៅអាស៊ី។ ជាមួយគ្នានេះដែរ ក៏មានតារាល្បីៗ របស់ចិនក៏ត្រូវបានគេប្រទះឃើញនៅក្នុងការប្រគំតន្ត្រីនោះរួមមាន Angelababy ដែលគេស្គាល់នាងជាអ្នកគាំទ្រ G-Dragon ម្នាក់ផងដែរ។

វត្តមានរបស់ Angelababy ត្រូវបានអ្នកគាំទ្រជនជាតិចិនម្នាក់ បានបង្ហោះរូបភាពរបស់តារាស្រីនៅលើបណ្តាញសង្គម SNS របស់ពួកគេ នៅក្នុងរូបថត គេអាចឃើញតារាស្រីរូបនេះអង្គុយក្បែរអ្នកគាំទ្រកំពុងមើលការទស្សនាការប្រគំតន្ត្រី។

ខណៈដែលរូបថតនោះត្រូវបានគេបង្ហោះនោះ អ្នកលេងអ៊ីនធឺណិតចិនបានសម្ដែងការមិនពេញចិត្តចំពោះ Angela baby ។ ជាពិសេស អ្នកនិយមលេងអ៊ីនធឺណេតបានលើកឡើងពីស្ថានភាពដ៏អាក្រក់រវាងចិន និងកូរ៉េខាងត្បូងនៅពេលបច្ចុប្បន្ននេះ ហើយបានបញ្ចេញមតិអវិជ្ជមានដូចជា “តើតារាស្រីចិនទៅប្រគំតន្ត្រីក្រុមនារីកូរ៉េទេ?”។

យ៉ាងណាមិញ ទំនាក់ទំនងរវាងចិននិងកូរ៉េខាងត្បូងមានភាពតានតឹង ហើយនៅពេលនេះ Angela baby ចូលរួមការប្រគំតន្ត្រីរបស់ BLACKPINK ទើបធ្វើដែលធ្វើឲ្យអ្នកស្នេហាជាតិមានការរិះគន់យ៉ាងខ្លាំងចំពោះនាងនៅក្នុងក៏មានអ្នកគាំទ្រចេញមកការពារនាង និងស្នើសុំអ្នកបង្ហោះរូបនោះលុបចាលថែមទៀតផង៕

ប្រែសម្រួល៖នាងតូច

ចុចអាន៖BLACKPINK នឹងប្រគំតន្ត្រីសប្បុរសធម៌ Lady First Lady នៅបារាំងម្ដងទៀត