Jennie រងពាក្យរិះគន់កប់មាត់ថា ជាមនុស្សខ្វះសុជីវធម៌

Jennie សមាជិកក្រុម BLACKPINK ត្រូវមហាជនរិះគន់កប់មាត់ ក្រោយពេលដែលនាងបង្ហាញអាកប្បកិរិយាខ្វះសុជីធម៌ នៅអាកាសយានដ្ឋានទីក្រុងប៉ារីស។

បន្ទាប់ពី Jennie ​បញ្ចប់​ការ​ប្រគំតន្ត្រី​ នៅ​ទីក្រុង​ប៉ារីស ប្រទេសបារាំង នាងបានរៀបចំធ្វើដំណើរទៅកូរ៉េខាងត្បូងវិញ។ នៅឯព្រលានយន្តហោះ ​ទស្សនិកជន និងអ្នកកាសែតយ៉ាងកកកុញបានរង់ចាំសមាជិក BLACKPINK រូបនេះ ដើម្បីស្វាគមន៍ និងជូនដំណើរនាង។ ក្នុងពេលជាមួយគ្នានោះ ​Jennie ស្រាប់តែទទួលរងពាក្យរិះគន់ខ្លាំងៗថា នាងជាមនុស្សវាយឬក ដោយមិនចេះស្វាគមន៍ហ្វូងមនុស្ស។

តាមរយៈវីដេអូឃ្លីបមួយដែលផ្សព្វផ្សាយនៅលើអ៊ីនធឺរណិត គេឃើញ Jennie ព្យាយាមគេចភ្នែក និងការសួរសុខទុក្ខពីហ្វូងមនុស្ស ដោយនាងពាក់ម៉ាស និងយកកន្សែងបង់ក បាំងមុខយ៉ាងជិត ហើយព្យាយាមដើរចូលរថយន្តយ៉ាងរហ័ស។ ដោយសារអាកប្បកិរិយានេះ Jennie ត្រូវប្រព័ន្ធផ្សព្វផ្សាយបង្ហាញការមិនពេញចិត្តជាខ្លាំង ដោយពួកគេនិយាយថា ​នាងគួរតែសម្ដែងការគោរព និងភាពរាក់ទាក់ជាងនេះទៅកាន់មហាជន។

ភ្លាមៗអ្នក​និយម​លេង​អ៊ីនធឺណិត​​ នាំគ្នាចេញមុខ​ការពារ​ Jennie យ៉ាងកុះករ ដែលពួកគេជាច្រើនលើកឡើងថា មុនពេលចូលរថយន្ត Jennie បានសំពះស្វាគមន៍​អ្នក​ដែល​មាន​វត្តមាននៅទីនោះរួចអស់ហើយ ថែមទាំងបានថតរូបជាមួយអ្នកគាំទ្រទៀតផង។​ អ្នកខ្លះទៀតនិយាយថា ពេលវេលានៅព្រលានយន្តហោះពិតជាខើចណាស់ ដូច្នេះ Jennie មិនអាចស្វាគមន៍គ្រប់គ្នាអស់នោះទេ៕

ប្រែសម្រួល៖ សន្យា

ចុចអាន៖ រូបរាងថ្មីរបស់ Song Hye Kyo អ្នកគាំទ្រទប់សរសើរសម្រស់មិនបាន

ចុចអាន៖ តារា Kpop ៥រូប ប្រើវិធីតមអាហារដ៏គ្រោះថ្នាក់ ប៊ិះនឹងត្រូវគេងពេទ្យ