យោងតាមការចុះផ្សាយពីគេហទំព័រសារព័ត៌មានរបស់សហរដ្ឋអាមេរិក បានរាយការណ៍ថា ដន្លងអតីតកីឡាករបាល់ទាត់ David Beckham បានដាក់ពាក្យបណ្តឹងប្រឆាំងនឹងក្រុមអ្នករៀបចំពិធីមង្គលការកូនស្រី ដោយសារតែមានកំហុសឆ្គងក្នុងដំណើរការរៀបចំពិធី ហើយលោក​បាន​ទារសំណងជិត ២០ម៉ឺនដុល្លារ។

បើទោះបីជាពិធីមង្គលការរបស់ Brooklyn Beckham និង Nicola Peltz បានកន្លងផុតអស់រយៈពេលជាង ៩ខែហើយក៏ដោយ ប៉ុន្តែមហាសេដ្ឋី Nelson Peltz ដែលជាឪពុករបស់កូនក្រមុំ នៅតែកើតទុក្ខមិនសុខចិត្តជាមួយក្រុមហ៊ុនពិធីការ ចំពោះការរៀបចំពិធីមិនបានល្អ ដោយលោកបានប្ដឹងទារប្រាក់កក់ចំនួន ១៥៩,០០០ដុល្លារពីក្រុមហ៊ុនមកវិញ។

តាមពិតការប្ដឹងផ្ដល់នេះ បានកើតឡើងតាំងពីពិធីមង្គលការទើបតែបញ្ចប់មកម្ល៉េះ ប៉ុន្តែខាងក្រុមហ៊ុនពិធីការ មិនព្រមសងប្រាក់ម្ចាស់ដើមការតាមការទាមទារនោះទេ ដូច្នេះបានជាលោក Nelson Peltz ប្ដឹងទារសំណងម្ដងទៀត ព្រមទាំងចង់ឱ្យក្រុមហ៊ុនបង់ថ្លៃប្រាក់ចំណាយទាំងអស់ទៀតផង។

គួរបញ្ជាក់ថា ​ពិធីមង្គលការរបស់ Brooklyn Beckham និង Nicola Peltz បានធ្វើឡើងកាលថ្ងៃទី៩ ខែមេសា ឆ្នាំ២០២២ ដែលពិធីមង្គលការត្រូវបានប្រារព្ធឡើងយ៉ាងអធិកអធម។ ពិធីរៀបអាពាពិពាហ៍នេះ ធ្វើឡើងនៅផ្ទះកូនក្រមុំនៅអាមេរិក ក្នុងវិមានតម្លៃ ១០៣លានដុល្លារ និងបានចំណាយក្នុងពិធីទាំងមូលប្រហែល ២,៩លានដុល្លារ៕

ប្រែសម្រួល៖ សន្យា

ចុចអាន៖ អាពាហ៍ពិពាហ៍របស់ Brooklyn និង Nicola ចំណាយលើអ្វីខ្លះទើបអស់ប្រាក់មហាសាល?

ចុចអាន៖ មង្គលការបវរកញ្ញារងលេខ ១ Miss Universe 2021 សុទ្ធតែតារាល្បីៗចូលរួម