ជីវិតកម្សាន្ដ

ឯម រៀម សូមការខន្តី បើសិនខុសឆ្លង ឬ លើសលស់ក្នុងការច្នៃម៉ូដ

បានផុស

១២ ខែ មុន

នៅ

ថ្ងៃពុធ ២៩ មីនា ២០២៣

ដោយ

អ្នកច្នៃម៉ូដល្បីឈ្មោះដែលទើបរងការរិះគន់យ៉ាងចាស់ដៃពីមហាជននាពេលថ្មីៗនេះ លោក ឯម រៀម បាចេញមុខបញ្ជាក់ជំហររបស់ខ្លួនជាថ្មីជាមួយសូមការខន្តីបើសិនខុសឆ្លង ឬលើសលស់រាល់ការច្នៃម៉ូដរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារដែលត្រូវបានលោក ឯម រៀម បង្ហោះភ្ជាប់រូបភាព នៃការច្នៃម៉ូដបានលើកឡើងថា «សូមអរគុណដល់បងប្អូនដែលតែងតែគាំទ្រ នៃទេពកោសល្យរបស់ខ្ញុំ ឯម រៀម ហើយបើមានខុសឆ្គង ឬលើសលស់ ឬប៉ះពាល់ដល់អារម្មណ៍បងប្អូន សូមខន្តី ព្រោះខ្ញុំធ្វើនេះគឺដើម្បីតម្រូវតាមកម្មវិធី និងចង់អភិវឌ្ឍន៍ការច្នៃម៉ូដនៅកម្ពុជា ឲ្យបានរីកចម្រើន»។

លោក ឯម រៀម បាននិយាយទៀតថា «បើការច្នៃម៉ូដ ឬ ការស្លៀកពាក់របស់ខ្ញុំនៅតែប៉ះពាល់អារម្មណ៍បងប្អូន ខ្ញុំនឹងបន្តទៀតរហូតដល់ពេលមួយបងប្អូនពេញចិត្ត តែចង់ប្រាប់បងប្អូនថា ខ្ញុំមានបេះដូងតែមួយ ធ្វើតាមចិត្តស្រមើស្រមៃរបស់ខ្ញុំ និងចំណេះជំនាញរបស់ខ្ញុំដែលធ្លាប់បានសិក្សាទាំងក្នុងស្រុក និងនៅបរទេស»។

អ្នកច្នៃម៉ូដរូបនេះបន្ថែមដែរថា សម្រាប់ម៉ូដប្រពៃណីគឺលោកបានត្រៀមចូលរួមពិធីដង្ហែកំណត់ Miss Universes សង្ក្រាន្តឆ្នាំថ្មី និងបុណ្យពុទ្ធព្ធាពិសេតវត្តជ្រោយអំពិល។

គួររម្លឹកថា អ្នកច្នៃម៉ូដល្បីឈ្មោះលោក ឯម រៀម ថ្មីៗនេះបានរងការរិះគន់យ៉ាងច្រើនពីសំណាក់មហាជន ព្រមទាំងអ្នកប្រើប្រាស់បណ្ដាញសង្គមហ្វេសប៊ុក បន្ទាប់ពីលោកបានតុបតែងខ្លួនប្លែក និងសិចស៊ី ទៅចូលរួមក្នុងកម្មវិធីធំមួយដែលមានការចូលរួមពីសំណាក់តារាប្រុស-ស្រីល្បីៗជាច្រើននាក់៕

អត្ថបទ ៖ ចាន់រ៉ា