ជីវិតកម្សាន្ដ

រតនៈ ពិសី ប្រកាសប្រើធម៌ក្ដៅចំពោះកូនបំណុល ក្រោយចូលឆ្នាំខ្មែរនេះ

បានផុស

៣ years មុន

នៅ

ថ្ងៃពុធ ១៩ មេសា ២០២៣

ដោយ

បន្ទាប់ពីសាងប្រជាប្រិយភាព និងកេរ្តិ៍ឈ្មោះល្បីលើវិថីសិល្បៈមួយសន្ទុះក្រោយមក តារាចម្រៀងសិចស៊ីតូចច្រឡឹងកញ្ញា រតនៈ ពិសី ក៏បាត់វត្តមានពីវិស័យមួយនេះទាំងស្រុង ដើម្បីប្រើពេលទៅក្ដោបក្ដាប់មុខជំនួញផ្ទាល់ខ្លួន។ ប៉ុន្តែទោះបីជាយ៉ាងណាក្តី តារាស្រីរូបនេះ នៅតែបង្ហាញឆន្ទៈក្នុងការវិលត្រឡប់ចូលបម្រើអារម្មណ៍អ្នកគាំទ្រដូចមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាបច្ចុប្បន្នតារាស្រីកញ្ញា រតនៈ ពិសី បានកំពុងមមាញឹកលើអាជីពរកស៊ីផ្ទាល់ខ្លួនដែលក្តាប់បានឱកាសកាន់លុយណែនពេញដៃយ៉ាងនេះមែន តែថ្មីៗនេះមានការទម្លាយថា រតនៈ ពិសី ក៏កំពុងជួបរឿងពិបាកចិត្តផងដែរ ព្រោះកូនតុងទីនបោកលើសេចក្ដីទុកចិត្ត ដោយជំពាក់លុយរាប់ម៉ឺនដុល្លារ មិនព្រមសង។ ម្យ៉ាងទៀតជារឿយៗនាងបានព្រមានប្រើវិធានការផ្លូវច្បាប់ ដើម្បីដោះស្រាយចំពោះបុគ្គលទាំងនោះ។

យ៉ាងណាមិញការប្រកាសផ្លូវច្បាប់របស់ ពិសី នាពេលកន្លងទៅ ហាក់ពុំមានប្រសិទ្ធភាព ឬធ្វើឲ្យកូនបំណុលរបស់នាងមានការខ្លាចរអាចំពោះចំណាត់ការនោះឡើយ ទើបជាថ្មីៗម្តងទៀត រតនៈ ពិសី បានព្រមានថា នាងនឹងប្រើធម៌ក្តៅទៅលើអ្នកដែលជំពាក់លុយក្រោយពិធីចូលឆ្នាំខ្មែរនេះដោយលែងយល់មុខតែម្ដង។ រតនៈ ពិសី បានបង្ហោះខ្លឹមសារថា ផ្ញើជូនបងប្អូនកូនបំណុលទាំងអស់ កាដូរក្រោយចូលឆ្នាំខ្ញុំលេងហើយ កុំថាមិនទុកពេល អ្នកណាក៏ដោយ ! អញឈប់យល់មុខហើយ។

សូមជម្រាបថា កន្លងមកតារាចម្រៀង រតនៈ ពិសី ធ្លាប់បានបញ្ជាក់ឲ្យដឹងដែរថា រឿងដែលថ្មីសម្រាប់នាងនាដើមឆ្នាំ ២០២៣ គឺចាត់វិធានការប្ដឹងទៅលើអ្នកដែលជំពាក់លុយអត់សងចូលគុកទាំងអស់។ នាងថា កុំឃើញខ្លាដេកថាខ្លាងាប់ ធ្វើទាំងអស់មិនទុកទេ គឺម្ដងមួយៗ។ ចំណាំមុខម្នាក់នេះទុកឲ្យហើយផង មិនណយប៉ុន្មានទេ សូមប្រាប់ ព្រោះអត់ធ្មត់មានដែនកំណត់។

ស្រីស្រស់ រតនៈ ពិសី បានបន្ថែមទៀតថា មកទល់ពេលនេះនាងបានសម្រេចដាក់ពាក្យបណ្ដឹងទៅតុលាការហើយ ពោលគឺរង់ចាំតែដីកាធ្លាក់មកប៉ុណ្ណោះ នាងនឹងបង្ហាញមុខ និងឈ្មោះបុគ្គលរូបនោះ ឲ្យមហាជនបានឃើញ និងស្គាល់តែម្ដង៕

អត្ថបទ ៖ ចាន់រ៉ា

Related Topics:តារាខ្មែរ រតនៈ ពិសី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា