តារាសម្ដែងសញ្ជាតិកាណាដាម្នាក់ស្លាប់ ក្រោយវះកាត់មុខ ១២ ដងឲ្យដូច Jimin

សារព័ត៌មានអង់គ្លេស Daily Mail បានរាយការណ៍កាលពីថ្ងៃទី ២៤ ខែមេសាថា តារាសម្តែងជនជាតិ កាណាដាម្នាក់បានទទួលមរណភាពក្នុងមន្ទីរពេទ្យនៅប្រទេសកូរ៉េខាងត្បូង ក្រោយទទួលការវះកាត់កែសម្ផស្សចំនួន ១២ ដងឱ្យស្រដៀងនឹង Jimin សមាជិកក្រុម BTS ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍បានឱ្យដឹងថា តារាសម្តែងជនជាតិកាណាដាឈ្មោះ Saint Von Colucci (អាយុ ២២ ឆ្នាំ) បានទទួលមរណភាពនៅព្រឹកថ្ងៃទី ២៣ ខែមេសានៅឯមន្ទីរពេទ្យក្នុងប្រទេសកូរ៉េ ខាងត្បូងដោយសារតែផលវិបាកនៃការវះកាត់កែសម្ផស្សដែលគាត់បានទទួលកាលពីប៉ុន្មានខែមុន ។

ខាងកាសែត Daily Mail បានអះអាងថា ” Von Colucci បានទៅជួបគ្រូពេទ្យដើម្បីវះកាត់ថ្គាមគាត់ក្នុងខែវិច្ឆិកា ឆ្នាំ ២០២២។ បន្ទាប់ពីការវះកាត់យ៉ាងប្រថុយប្រថាន តារាសម្តែងរូបនេះបានឆ្លងមេរោគ ហើយត្រូវចាក់បញ្ចូលក្នុងបំពង់ខ្យល់ ប៉ុន្តែបានស្លាប់ប៉ុន្មានម៉ោងក្រោយមក។ Saint Von Colucci ចង់បានមុខស្រដៀងនឹង Jimin របស់ BTS ដូច្នេះគាត់បានធ្វើការវះកាត់កែសម្ផស្សចំនួន ១២ ក្នុង ប៉ុន្មានឆ្នាំកន្លងមកនេះ។ គាត់បានចំណាយប្រាក់ប្រហែល ២២០,០០០ ដុល្លារលើការវះកាត់ ថ្គាម ការកែមុខ ការលើកចិញ្ចើម ការវះកាត់ច្រមុះ ការកាត់បបូរមាត់ជាដើម ។

យ៉ាងណាមិញ Saint Von Colucci គឺជាតារាសម្តែងជនជាតិកាណាដា ប៉ុន្តែបានផ្លាស់ទៅប្រទេសកូរ៉េក្នុងឆ្នាំ ២០១៩ ដើម្បីបន្តអាជីព។ នៅប្រទេសកូរ៉េគាត់បានជួបការលំបាកក្នុងការទទួលបានការសម្តែង ដោយសារតែគាត់មានអារម្មណ៍ថាមានការរើសអើង លើរូបរាងរបស់លោកខាងលិច​​ ទើបតារាសម្តែងរូបនេះធ្វើការវះកាត់កែសម្ផស្ស ៕

ប្រែសម្រួល៖នាងតូច

ចុចអាន៖ប្តីប្រពន្ធ Lee Seung Gi បរិច្ចាគថវិកាខ្ទង់ម៉ឺនដុល្លារ ដើម្បីធ្វើអំពើមនុស្សធម៌